मुंबई : गेल्या काही दिवसांपासून महिला प्रवाशांच्या विनयभंगाच्या घटनेत वाढ झाल्याने लोहमार्ग पोलिसांनी महिला डब्यात पोलिसांची गस्त वाढवली आहे. याशिवाय महिला सुरक्षेसंदर्भात जनजागृती मोहीम हाती घेतली आहे.
पनवेल-नेरुळ दरम्यान धावत्या लोकलमध्ये १४ जून २०२३ रोजी एका तरुणीचा विनयभंग करण्यात आला. तर, २० जून २०२३ रोजी राममंदिर रेल्वे रुळांलगत चारचाकी शिकवण्याच्या बहाण्याने १९ वर्षीय तरुणीचा विनयभंग करण्यात आला आहे. त्यामुळे महिला प्रवाशांचा सुरक्षेच्या प्रश्न ऐरणीवर आला होता. याशिवाय महिला डब्यात पोलिसांची गस्त वाढविण्याची मागणी प्रवाशांकडून करण्यात आली होती. या पार्श्वभूमीवर गेल्या आठवड्यापासून
लोहमार्ग पोलिसांनी महिला डब्यात पोलिसांची गस्त वाढवली आहे. याशिवाय जनजागृती कार्यक्रम ही लोहमार्ग पोलिसांनी हाती घेतला आहे.महिलांच्या डब्यांमध्ये पोलिसांची उपस्थिती यापूर्वी रात्री ९ ते सकाळी ६ वाजेपर्यंत होती. मात्र आता,लोकल ट्रेनमधील महिला डब्यात पोलिसांची ड्युटीचे तास रात्री ९ ते सकाळी ९वाजेपर्यंत करण्यात आले अशी माहिती लोहमार्ग पोलिसांनी दिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
