मुंबई, ता. ८ : उपनगरी रेल्वे मार्गावरील रुळांची दुरुस्ती, तसेच सिग्नल यंत्रणेतील तांत्रिक कामासाठी रविवारी (ता. १०) रेल्वेच्या तिन्ही मार्गांवर मेगाब्लॉक घेण्यात येणार आहे. मध्य रेल्वेचा माटुंगा-मुलुंड अप आणि डाऊन जलद मार्ग, तर हार्बर मार्गावरील सीएसएमटी-चुनाभट्टी/वांद्रे अप आणि डाऊन मार्गावर मेगाब्लॉक घेण्यात येणार आहे. दुसरीकडे पश्चिम रेल्वेच्या माहीम ते गोरेगाव अप आणि डाऊन हार्बर मार्गावर मेगाब्लॉक घेण्यात आला आहे. त्यामुळे रविवारी तिन्ही मार्गांवरील प्रवाशांचे मेगाहाल होणार आहेत.