Railway News: कल्याण रेल्वे स्थानकात बुधवारी सकाळी गीतांजली एक्स्प्रेसमध्ये बिघाड झाल्याची घटना घडली. या घटनेमुळे कल्याण रेल्वे स्थानकातील रेल्वे वाहतुकीचे पूर्णतः तीनतेरा वाजले. यामुळे सकाळी कामावर जाणाऱ्या नोकरदारांनाही याचा फटका बसला.
कल्याण रेल्वे स्थानकात फलाट क्रमांक चारवर ट्रेन क्रमांक १२८५९ गीतांजली एक्स्प्रेसमध्ये बुधवारी सकाळी आठ वाजून ४६ मिनिटांनी बिघाड झाला. ऐन गर्दीच्या वेळेस झालेल्या घटनेमुळे कल्याण स्थानकात प्रवाशांची मोठी गर्दी उसळली होती.
