Railway News: उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी रविवारी १८ फेब्रुवारी २०२४ रोजी तिन्ही मार्गावर मेगाब्लॉक घेण्यात येणार आहे. मध्य रेल्वेच्या ठाणे ते कल्याण अप- डाऊन जलद मार्गावर तर सीएसएमटी-चुनाभट्टी/वांद्रे अँप- डाऊन हार्बर मार्गावर मेगाब्लॉक असणार आहे. पश्चिम रेल्वेच्या वसई रोड ते भाईंदर अप- डाऊन जलद मार्गावर शनिवारी- रविवारी मध्य रात्री मेगाब्लॉक असणार आहे.
कुठे- ठाणे- कल्याण अप - डाऊन जलद मार्गावर
कधी- सकाळी १०.४० ते दुपारी ३.४० वाजेपर्यंत
परिणाम-
या ब्लॉकदरम्यान सीएसएमटी येथून सुटणाऱ्या डाऊन जलद/नीम-जलद लोकल ठाणे आणि कल्याण स्थानकांदरम्यान डाऊन धीम्या मार्गावर वळवण्यात येतील आणि त्यांच्या निर्धारीत थांब्यांव्यतिरिक्त
कळवा, मुंब्रा आणि दिवा स्थानकांवर थांबतील. तर, कल्याण येथून सुटणाऱ्या अप जलद/अर्धजलद सेवा कल्याण आणि ठाणे स्थानकांदरम्यान अप धीम्या मार्गावर वळवण्यात येऊन त्यांच्या संबंधित थांब्यांव्यतिरिक्त दिवा, मुंब्रा आणि कळवा स्थानकांवर थांबतील आणि मुलुंड स्थानकापासून पुढे अप जलद मार्गावर वळवण्यात येतील आणि त्यांच्या निर्धारित वेळेच्या १० मिनिटे उशिरा गंतव्यस्थानी पोहोचतील.
कुठे- सीएसएमटी - चुनाभट्टी/वांद्रे अप-डाऊन मार्गावर
कधी- सकाळी ११.४० ते दुपारी ४.४० वाजेपर्यंत
परिणाम-
या ब्लॉकदरम्यान सीएसएमटी येथून वाशी/बेलापूर/पनवेल/ वांद्रे/गोरेगाव करीता सुटणारी डाउन हार्बर मार्गावरील सेवा रद्द राहतील.तसेच पनवेल/बेलापूर/वाशी येथून सीएसएमटीसाठी सुटणारी अप हार्बर मार्गावरील सेवा आणि गोरेगाव/वांद्रे येथून सीएसएमटीसाठी सुटणारी अप हार्बर मार्गावरील सेवा रद्द राहतील.या ब्लॉक कालावधीत पनवेल आणि कुर्ला (प्लॅटफॉर्म क्रमांक ८) दरम्यान विशेष सेवा चालवल्या जातील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
