Mumbai Local Train News: हार्बर लाईनवर वाहतुकीचा खोळंबा! पनवेलहून CSMT कढे जाणारी वाहतूक ठप्प

Mumbai News: हार्बर रेल्वेची वाहतूक आज सकाळपासून विस्कळीत झाली आहे. बेलापूर स्थानकादरम्यान तांत्रिक बिघाड झाल्याने लोकल सेवेवर परिणाम झाला आहे. सध्याच्या माहितीनुसार, पनवेलकडे जाणारी वाहतूक पूर्वपदावर आली आहे. मात्र, पनवेलहून CSMT कढे जाणारी वाहतूक ठप्पच आहे. 'साम टीव्ही'ने यासंदर्भातील वृत्त दिलं आहे.

बेलापूर स्थानकादरम्यान तांत्रिक बिघाडामुळे पनवेलकडे आणि सीएसएमटी जाणाऱ्या लोकल सेवेवर परिणाम झाला आहे. पुढील सूचना मिळेपर्यंत सेवा ठप्प राहणार आहे. मात्र, पनवेलकडे जाणारी वाहतूक सुरु झाली आहे, पण छत्रपती शिवाजी महाराज टर्मिनलकडे जाणारी वाहतूक ठप्प आहे. त्यामुळे हार्बर लाईवर प्रवशांची मोठी गर्दी झाली आहे. त्यांना मनस्ताप सहन कराला लागत आहे.