मुंबई: छत्रपती शिवाजी महाराज टर्मिनस तर कल्याण दरम्यान एसी लोकल चालवण्यासाठी रेल्वे मंत्रालयासह राज्य सरकारने मंजुरी दिली आहे. आठवड्यातून सहा दिवस म्हणजे सोमवार ते शनिवार दैनंदिन 10 एसी लोकल फेऱ्या धावणार असून रविवारी मात्र एसी फेऱ्या बंद राहणार आहे. गुरुवारी म्हणजेच आज पहिली एसी लोकल कुर्ला ते सीएसएमटी दरम्यान धावणार आहे.
मध्य रेल्वे मार्गावर यापूर्वी एक एसी लोकल देण्यात आली होती. या लोकलला ठाणे ते पनवेल दरम्यान ट्रान्सहार्बर रेल्वे मार्गावर सोडण्यात आले होते. मात्र अद्याप मध्य रेल्वेच्या मेन लाईन आणि हार्बर रेल्वे मार्गावर एसी लोकलची सेवा नाही. मात्र आता मध्य रेल्वेने एसी लोकलचा निर्णय घेतल्याने मध्य रेल्वे मार्गावरील रेल्वे प्रवाशांना आता गारेगार आणि सुरक्षित प्रवास अनुभवता येणार आहे.
सीएसएमटी ते कल्याण दरम्यान लागणाऱ्या सर्व स्थानकावर या एसी लोकलचा थांबा राहणार असून, कोविड नियमांच्या अधीन राहून राज्य सरकार आणि रेल्वे मंत्रालयाने परवानगी दिलेल्या प्रवाशांनाच यामध्ये प्रवास करण्याची मुभा राहणार आहे. सर्वात पहिली लोकल सकाळी 5.42 मिनिटाने कुर्ला येथून सुटणार असून सीएसएमटी रेल्वे स्थानकावर सकाळी 6.12 वाजता पोहोचणार आहे. त्याप्रमाणे इतर स्थानकावर नियोजित वेळापत्रकाराप्रमाणे धावणार आहे.
| प्रस्थान | आगमन |
| स्टेशन - वेळ | स्टेशन - वेळ |
| कुर्ला - 5.42 | सीएसएमटी - 6.12 |
| सीएसएमटी - 6.23 | डोंबिवली - 7.40 |
| डोंबिवली - 7.47 | सीएसएमटी - 9.8 |
| सीएसएमटी - 9.12 | कुर्ला - 9.40 |
| कुर्ला - 4. 36 | सीएसएमटी - 5.8 |
| सीएसएमटी - 5.12 | कल्याण - 6.42 |
| कल्याण - 6.51 | सीएसएमटी - 8.18 |
| सीएसएमटी - 8.22 | डोंबिवली - 9.40 |
| डोंबिवली - 9.59 | सीएसएमटी - 11.19 |
| सीएसएमटी - 11.25 | कुर्ला - 11.53 |
मध्य रेल्वे नंतर हार्बर रेल्वे मार्गावर सुद्धा एसी लोकल लावण्याचा प्रयत्न रेल्वे प्रशासनाचा आहे. लवकरच हार्बर रेल्वे मार्गावर सुद्धा एसी लोकलची चाचणी घेण्यात येणार असल्याचे ही रेल्वेच्या एका वरिष्ठ अधिकाऱ्यांनी सांगितले आहे.
-------------------------
(संपादन- पूजा विचारे)
mumbai local train update 10 ac local services csmt kalyan today
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.