Mumbai Local News : मुंबईकरांसाठी महत्वाची बातमी! मध्य रेल्वेवर ६ दिवस असणार रात्रकालीन ब्लॉक; जाणून घ्या वेळापत्रक

मुंबई, ता. ५ : विक्रोळी रेल्वे स्थानकात नवीन पादचारी पुलाचा गर्डर टाकण्यासाठी घाटकोपर ते भाडुंप स्थानकादरम्यान शनिवारी (ता. ६) रात्रीपासून गुरुवार (ता. ११) पर्यंत रात्रकालीन ब्लॉक घेण्यात येणार आहे. या कालावधीत मध्य रेल्वेच्या पाचव्या-सहाव्या मार्गिकेवरील लोकल; तसेच मेल-एक्स्प्रेसच्या वाहतुकीत बदल करण्यात आला आहे.

एक्स्प्रसेचे वेळापत्रक

- २०१०४ गोरखपूर-एलटीटी एक्स्प्रेस, १२७०२ हैदराबाद-सीएसएमटी एक्स्प्रेस, १११४० गदग-सीएसएमटी एक्स्प्रेस, ११४०२ आदिलाबाद-सीएसएमटी एक्स्प्रेस आणि १२१५२ शालीमार-एलटीटी एक्स्प्रेस गंतव्यस्थानी वेळेपेक्षा १५ ते २० मिनिटे उशिराने पोहोचतील. सीएसएमटी-ठाणे लोकल रात्री ११.५७ वाजता कुर्ल्यापर्यंत धावेल आणि पहाटे ४ वाजता कुर्ला येथूनच सीएसएमटीकडे रवाना होईल.

- सोमवारी रात्री ११०२० भुवनेश्वर-सीएसएमटी एक्स्प्रेस, १२८१० हावडा-सीएसएमटी एक्स्प्रेस, १२१३४ मंगळुरू-सीएसएमटी एक्स्प्रेस, १२७०२ हैदराबाद-सीएसएमटी एक्स्प्रेस आणि १११४० गदग-सीएसएमटी एक्स्प्रेस ठाणे - विद्याविहार स्थानकांदरम्यान सहाव्या मार्गावरुन चालवण्यात येणार आहे. मंगळवारी रात्री १२१०२ शालीमार- एलटीटी एक्स्प्रेस, १८०३० शालीमार-एलटीटी एक्स्प्रेस, १८५१९ विशाखापट्टणम-एलटीटी एक्स्प्रेस व २०१०४ गोरखपूर-एलटीटी एक्स्प्रेस ठाणे -विद्याविहार स्थानकांदरम्यान अप जलद मार्गावर वळवण्यात येणार आहेत.
- गुरुवारी रात्री ११०२० भुवनेश्वर-सीएसएमटी, १२८१० हावडा-सीएसएमटी एक्स्प्रेस, १२१३४ मंगळुरू-सीएसएमटी एक्स्प्रेस, १२१३२ साईनगर शिर्डी-दादर एक्स्प्रेस, १२७०२ हैदराबाद-सीएसएमटी एक्स्प्रेस आणि १११४० गदग- सीएसएमटी एक्स्प्रेस ठाणे ते विद्याविहार दरम्यान सहाव्या मार्गावरून चालवण्यात येणार आहे.

लोकलचे वेळापत्रक

- रविवारी रात्री सीएसएमटी- ठाणे लोकल रात्री ११.५७ वाजता कुर्ल्यापर्यंत धावेल आणि पहाटे ४ वाजता कुर्ला येथूनच सीएसएमटीकडे रवाना होईल. ठाणे-सीएसएमटी लोकल पहाटे ५.१६ वाजता धावेल. याशिवाय पहाटे ४.१६ आणि ४.४० ची ठाणे-सीएसएमटी लोकल रद्द केलेली आहे.
- बुधवारी रात्री सीएसएमटी- ठाणे लोकल रात्री ११.५७ वाजता कुर्ल्यापर्यंत धावेल आणि पहाटे ४ वाजता कुर्ला येथूनच सीएसएमटीकडे रवाना होईल. बुधवारी ठाणे-सीएसएमटी लोकल पहाटे ५.१६ वाजता धावेल. याशिवाय पहाटे ४.१६ आणि ४.४० ची ठाणे-सीएसएमटी लोकल रद्द केलेली आहे.

मुंबईत येणाऱ्या एक्स्प्रेसच्या बदलले मार्ग

ट्रेन क्रमांक एक्स्प्रेसचे नाव शेवटचा थांबा
११०२० भुवनेश्वर-सीएसएमटी ठाणे
१८०३० शालिमार-एलटीटी ठाणे
१२८१० हावडा-सीएसएमटी दादर
१८५१४ विशाखापट्टणम-एलटीटी ठाणे
१२१३४ मंगळुरू-सीएसएमटी निळजे