मुंबई : दर साडेचार मिनिटाला मेट्रोची एक फेरी धावणार, वाचा सविस्तर

मुंबई : वर्सोवा-अंधेरी-घाटकोपर मेट्रो (Mumbai Metro) मार्ग 1 वर पीक अव्हरमध्ये दर 10 मिनिटांनी मेट्रोची एक फेरी (Metro one round) होत होती. त्यानंतर यात बदल करून दर 6 मिनिटांनी एक फेरी धावत होती. तर, आता सोमवारपासून पीक अव्हरमध्ये दर साडेचार मिनिटांला मेट्रोची एक फेरी होणार आहे. त्यामुळे प्रवाशांचा दीड मिनिटांचा कालावधी झाल्याने प्रवाशांच्या वेळेची बचत (saves people time) होऊन लवकर प्रवास होईल. तर, सोमवारीपासून मेट्रोच्या वेळापत्रकात (metro timetable) बदल होणार आहे.

मेट्रो वनमधील 500 हून अधिक कर्मचाऱ्यांचे कोरोनाचे दोन्ही डोस पूर्ण झाले आहेत. त्यामुळे मेट्रोच्या फेऱ्यांच्या वांरवारेत बदल केला असून वेळेत देखील बदल करण्यात आला आहे. मेट्रोमधून प्रवाशांची संख्या वाढत असून सध्या दीड लाखांहून अधिक प्रवाशांचा प्रवास होत आहे. त्यामुळे या प्रवाशांना वेळेत मेट्रोचा प्रवास होण्यासाठी पीक अव्हरमध्ये दर 4.5 मिनिटांला मेट्रोची एक फेरी, तर, नाॅन पीक अव्हरमध्ये दर 10 मिनिटांनी एक फेरी होणार आहे. याआधी नाॅन पीक अव्हरमध्ये दर 12 मिनिटांनी एक फेरी होत होती. तर, आता मेट्रोच्या वेळापत्रकात बदल झाला असून घाटकोपर येथून सुटणारी पहिल्या आणि शेवटच्या मेट्रोच्या वेळेत बदल करण्यात आला आहे.

घाटकोपर मेट्रो स्थानकातून पहिली मेट्रो सकाळी 7.15 ऎवजी सकाळी 6.30 वाजता सुटणार आहे. तर, शेवटची मेट्रो घाटकोपर येथून रात्री 10.15 ऎवजी रात्री 10.55 वाजता सुटणार आहे. वर्सोवा येथून पहिली मेट्रो सकाळी 6.30 वाजता सुटणार आहे. तर, शेवटची मेट्रो वर्सोवा येथून रात्री 10.30 वाजता सुटेल. नवीन वेळापत्रक 18 ऑक्टोबरपासून लागू करण्यात येणार आहे. या नवीन वेळापत्रकात फेऱ्या देखील वाढणार आहेत. 230 धावणाऱ्या मेट्रोच्या फेऱ्या आता 280 मेट्रोच्या फेऱ्या धावणार आहेत. मेट्रोमध्ये कोरोना नियमांचे पालन करण्यासाठी, सामायिक अंतर राखण्यासाठी मेट्रोच्या फेऱ्या वाढविण्यात येत आहेत. मुंबई मेट्रोची स्थानके पहिली गाडी येण्याच्या 15 मिनिटे आधी खुली केली जात आहेत, असे मेट्रो प्रशासनाकडून सांगण्यात आले.