Mumbai Milk Rate : मुंबईत दूध महागणार, प्रतिलिटर 2 ते 3 रुपयांची होणार वाढ !

Mumbai Milk Rate : सर्वसामान्य मुंबईकरांना महागाईचा चटका लावणारी बातमी समोर आली आहे. ती म्हणजे मुंबईमध्ये दुधाचे दर वाढणार आहेत.

मिळालेली माहिती अशी कि, 1 सप्टेंबरपासून सुटे दूध महागणार आहे. प्रति एक लीटर म्हशीचे सुटे दूध हे २-३ रुपयांनी महागणार आहे. तर होलसेल दर हे २ रुपयांनी महागणार आहेत. हा निर्णय शनिवारी दूध विक्रेत्यांच्या बैठकीत घेण्यात आला.

जनावरांना लागणारा चारा महागल्याने दूध उत्पादकांवर याचा परिणाम होत आहे. यामुळे हा दरवाढीचा निर्णय घेण्यात आला असून आता २-३ रुपयांनी दूध महागणार आहे.

सध्या म्हशीच्या सुटे एक लीटर दूधाचा दर 85 रुपये आहे. हा दर 87 ते 88 रुपये होईल. जे ब्रॅन्डेड किंवा पॅकेटबंद दूध नसते, ज्याची विक्री सुट्या पद्धतीने केली जाते अशा दुधाच्या किमतीत वाढ होणार आहे.

ब्रॅण्डवर परिणाम नाही

एक लिटर म्हशीचे सुटे दुध रिटेलमध्ये 2 ते 3 रुपयांनी महागणार तर होलसेल दरातही 2 रुपयाने वाढ होणार आहे.जनावरांच्या चाऱ्याचे भाव वाढले आहेत. चाऱ्याच्या दरात वाढ झाल्याने याचा परिणाम दूध उत्पादकांवर होत आहे. हे पाहता दूध उत्पादकांनी सुट्या दुधाच्या दरात वाढ करण्याचा निर्णय घेतला आहे.