मुंबई : शिवाजी पार्क येथील बंगाल क्लब प्रशासनाकडून खानपानासाठी व्यवस्था करताना पालिकेच्या आरोग्य विभागाकडून कोणतीही परवानगी घेण्यात आलेली नाही. ही बाब लक्षात आल्यानंतर पालिकेच्या जी/उत्तर विभागाकडून या क्लबला नोटीस बजावली आहे. २४ तासांत याबाबत कार्यवाही करा, अन्यथा पालिका कारवाई करेल अशी नोटीस जी/उत्तर विभागाचे वैद्यकीय अधिकारी विरेंद्र मोहिते यांनी क्लबला नोटीस बजावली आहे.
दादर पश्चिम वीर सावरकर रोड, शिवाजी पार्क येथील बंगाल क्लबची २२ नोव्हेंबर रोजी पालिकेकडून पाहणी करण्यात आली. या पाहणीत उपहागृहात परवानगी न घेता सहा सिलिंडरचा वापर करत असल्याचे निदर्शनास आले. शिवाय पालिकेच्या आरोग्य विभागाची परवानगी न घेता खाद्यपदार्थ तयार केले जात असल्याचे निदर्शनास आले होते. हे धोकादायक असल्याने पालिकेकडून मुंबई महानगरपालिका अ‍ॅक्ट नुसार ३९४ (४) अंतर्गत नोटीस बजावण्यात आली असल्याचे पालिका प्रशासनाकडून स्पष्ट करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.