खडवली : मध्य रेल्वेचे स्थानक असलेल्या खडवली येथे मुंबईच्या दिशेने प्रवास करण्यासाठी दररोज हजारोंच्या संख्येने प्रवासी येतात. भिवंडी तालुक्याच्या गावांतील नागरिकांना मुंबई नाशिक महामार्ग (राष्ट्रीय महामार्ग ०३) ओळांडून आन्हे गावा शेजारील खडवली फाट्यामार्गे प्रवास करावा लागतो.
ह्या महामार्गावर भरधाव वेगाने वाहने चालत असल्याने खडवलीच्या दिशेने येण्यासाठी जीव मुठीत धरून महामार्ग ओळांडावा लागतो. आता पर्यंत खडवली फाट्यावर शेकडो अपघात झाले असून, हजारो निष्पाप नागरिकांचे बळी गेले आहेत.
आज दिनांक १८ जुलै रोजी देखील पहाटे काही विद्यार्थी व प्रवासी काळी पिवळी जीप या वाहनातून खडवली रेल्वे स्थानकाकडे येण्यासाठी महामार्ग ओळांडताना जीप व कंटेनरची धडक होऊन अपघातात मृत्युमुखी पडले.
ह्या अपघातात ४ जणांचा जागीच मृत्यू झाला आठवड्यातून सरासरी एक ते दोन अपघात होत असतानाही अजुन इथे उड्डाणपूल उभारण्यात आलेले नाही. त्यामुळे हा उड्डाणपूल उभारण्यासाठी अजुन किती निष्पाप नागरिकांचे बळी हवे आहेत असा संतप्त सवाल मनसेच्या दिनेश बेलकरे यांनी केला आहे,
तसेच युद्ध पातळीवर काम सुरू करून लवकरात लवकर हा उड्डाणपूल उभारण्यात यावा ह्या मागणीसाठी मनवीसेचे पदाधिकारी लक्ष्मण भगत पत्राद्वारे निवेदन देणार असल्याचे त्यांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
