मुंबई : मुंबईतील नोकरदार वर्गाला नियमित डबा पोहचवणारे डबेवाल्यांनी ३० जून रोजी एक दिवसाची सुट्टी घेतली आहे. मुंबईतील डबेवाल्यांनाही पांडुरंगाच्या दर्शनाचे वेध लागले असून, पंढरीला निघाले आहे. संतांच्या पालख्यां पंढरीच्या वाटेला लागल्या आहेत.
वारीत सहभागी होण्यासाठी तसेच पंढरपुरात पांडूरंगाचे दर्शन घेण्याची आस डबेवाल्यांनाही लागली आहे. डबेवाला कामगार मुंबईत जरी काम करत असला तरी त्याची वारी कधी चुकली नाही म्हणुन मुंबई डबेवाला असोशिएशनया संस्थेला मानणारे डबेवाले कामगारांनी वारीला जाण्यासाठी एक दिवसाची रजा जाहीर केली आहे.
त्यामुळे शुक्रवार (ता. ३० ) रोजी डबेवाल्यांची सेवा बंद ठेवण्यात येणार आहे. बुधवारी २८ जुन रोजी दिवसभर ते डबेवाले काम करतील व रात्री आपल्या वाहनाने पंढरपुरला रवाना होणार आहे. गुरुवार २९ जून रोजी एकादशीला शासकीय सुट्टी आहे. त्यादिवशी डबेवाले पांडूरंगाचे दर्शन घेतील आणि शुक्रवार ३० जून रोजी रोजी द्वादशीचा उपवास पंढरपुरात सोडतील व ते मुंबईला रवाना होतील.
१ जुलै शनिवारी डबेवाले नेहमी प्रमाणे कामावर हजर होतील. यादरम्यान डबेवाल्यांची शेकडो वर्षाची वारीची परंपरा आहे दर वर्षी तो सुट्टी घेऊन पंढरपुरला पांडूरंगाच्या दर्शनाला जातो यामुळे काही ग्राहकांची गैरसोय होईल त्याबद्दल डबेवाला संघटनेने दिलगीरी सुद्धा व्यक्त केली आहे.
पंढरपूरच्या आषाढी वारीत सहभागी झालेल्या वारकऱ्यांना शासनातर्फे विमा संरक्षण देणारी विठ्ठल रुक्मिणी वारकरी विमा छत्र योजना लागू केली आहे. त्यामुळे लाखो वारकऱ्यांना शासनाच्या खर्चाने विमा संरक्षण मिळणार आहे. त्याबद्दल मुख्यमंत्री एकनाथ शिंदे यांचे मुंबई डबेवाला असोशिएशनचे अध्यक्ष सुभाष तळेकर यांनी आभार मानले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
