Mumbai News : मुंबई विद्यापीठ सिनेट निवडणुकीचा सुधारित कार्यक्रम २५ ऑक्टोबर रोजी सादर करण्याचे निर्देश मुंबई उच्च न्यायालयाने मुंबई विद्यापीठाला दिले आहेत. यासोबतच सोमवारी सुनावणीदरम्यान न्यायमूर्ती नितीन एम. जामदार आणि न्यायमूर्ती मंजुषा देशपांडे यांच्या खंडपीठाने सुधारित कार्यक्रम तयार करण्यासाठी आणखी मुदत दिली जाणार नसल्याचे स्पष्ट केले.
आमदार मनीषा कायंदे यांची तक्रार प्राप्त झाल्यामुळे मतदार यादी फेरतपासणीच्या संबंधातील अहवाल देण्यासाठी आणखी दोन आठवड्यांचा अवधी देण्याची मागणी विद्यापीठातर्फे न्यायालयात करण्यात आली; मात्र उच्च न्यायालयाने मागणी मान्य करण्यास नकार देत पुन्हा मुदत वाढवून दिली जाणार नाही, असे खडे बोल सुनावले. या याचिकेवर मुंबई उच्च न्यायालय २५ ऑक्टोबरला सुनावणी करणार आहे. सिनेट निवडणुकीला स्थगिती देण्याच्या विद्यापीठाच्या परिपत्रकाला सागर नेवरे यांनी उच्च न्यायालयात आव्हान दिले आहे.
तसेच, निवडणूक स्थगितीचा निर्णय हा राजकीय दबावाखाली घेण्यात आला असून तो बेकायदा, कायदेशीरदृष्ट्या चुकीचा आणि विकृत असल्याचे जाहीर करण्याची आणि रद्द करण्याची मागणी केली आहे. या याचिकेवर मुंबई विद्यापीठाचे कुलसचिव सुनील भिरुड यांनी विद्यापीठाची भूमिका स्पष्ट करणारे प्रतिज्ञापत्र दाखल केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
