सबस्क्राईब करा
मुंबई - काही दिवसांपूर्वी खासगी विकसकांच्या चुकीमुळे मागाठाणे मेट्रो स्थानकाला लागूनच असलेल्या पर्जन्य जलवाहिनीला तडा जाऊन ही जलवाहिनी फुटली. तर दुसरीकडे स्थानकाबाहेरील रस्ता पाण्याच्या प्रवाहामुळे खचला. सुदैवाने स्थानकाची मोठी हानी टळली.
यानंतर विकसकाविरोधात गुन्हा दाखल करण्यात आला असून आता स्थानकाचे आयआयटीच्या तज्ज्ञ व्यक्तींमार्फत परीक्षण करण्यात येणार आहे. स्थानकाच्या सुरक्षिततेच्या दृष्टिकोनातून महा मुंबई मेट्रो संचलन महामंडळाने (एमएमएमओसीएल) हा निर्णय घेतला आहे.
मेट्रो स्थानकातील उत्तरेकडील प्रवेशद्वार, सरकता जिना आणि उद्वाहकानजिकची जमीन खचल्याने सुरक्षेच्या दृष्टीने महा मुंबई मेट्रो संचलन महामंडळाने (एमएमएमओसीएल) तात्काळ प्रवेशद्वार, उद्वाहक आणि सरकता जिना प्रवाशांसाठी बंद केला. तर महानगरपालिकेनेही हा रस्ता तात्काळ बंद केला. महानगरपालिकेकडून विकासकाला काम थांबविण्याचे आदेश देण्यात आले आहेत.
तर बृहन्मुंबई महानगरपालिकेच्या देखरेखीत विकासकाकडून खोदलेल्या भागात भराव टाकण्याचे काम सुरु आहे. मात्र हे काम करण्यासाठी साधारण एक महिन्याचा कालावधी लागणार असल्याचे महानगरपालिकेकडून सांगण्यात आले आहे. यादरम्यान मेट्रो स्थानकाच्या आणि प्रवाशांच्या सुरक्षिततेच्या दृष्टीकोनातून स्थानकाचे परीक्षण करण्यात येणार आहे. तर या पाहणीनंतर सुचविण्यात येणाऱ्या उपाययोजनांची अंमलबजावणी करण्यात येईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.