मुंबई- डोंबिवली पूर्व येथील जुना रोड परिसरातील गावदेवी मंदिर येथे नवरात्र उत्सव सुरू असताना दोन गटात तुफान राडा झाल्याची घटना शुक्रवारी रात्री घडली. जय अंबिका भक्त मंडळ आयरे गाव येथे दोन दिवसांपूर्वी झालेल्या वादातून ती मारामारी झाल्याची प्राथमिक माहिती आहे.
50 ते 60 जणांचा मॉब अचानक एकमेकांशी भिडल्याने दर्शनासाठी आलेले भाविक भयभीत होऊन इतरत्र पळत सुटले. काय झाले हे समजण्याच्या आताच काही तरुण आपापसात भिडले. दगडांनी व चोपरने एकमेकांवर वार करण्यात आल्याचं कळतंय. या हाणामारीत चार ते पाच जण गंभीर जखमी झाले आहेत.
घटनेची माहिती मिळताच रामनगर पोलिसांनी घटनास्थळी धाव घेतली. पोलीस येताच तरुणांनी तेथून पळ काढला. पोलिसांनी परिस्थिती नियंत्रणात आणत हाणामारी करणाऱ्या तरुणांचा शोध सुरू करत तपास सुरू केला आहे. दोन दिवसांपूर्वी याच ठिकाणी दोन गटामध्ये राडा झाला होता. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
