मुंबई : बृहन्मुंबई महानगरपालिकेतर्फे उप जल अभियंता (परिरक्षण) खात्यातील पूर्व उपनगरातील `एल` वॉर्ड मधील खैरानी रोडवरील जमिनीखालील १२०० मिलीमीटर व्यासाच्या जलवाहिनीचे (असल्फा आऊटलेट) तुकाराम ब्रिज ते जंगलेश्वर महादेव मंदिर या दरम्यान पुनर्वसन व मजबुतीकरणाचे काम हाती घेतले आहे.
या कामासाठी सलग १० दिवसांचा कालावधी लागणार आहे. त्यापैकी ०७ दिवसांचे काम टप्पेनिहाय पद्धतीने पूर्ण झालेले आहे व उर्वरित कामासाठी सलग ३ दिवसांचा कालावधी लागणार आहे. परंतु, नागरिकांची गैरसोय लक्षात घेता, हे काम दर शुक्रवारी दुपारी १:०० वाजल्यापासून रविवार पहाटे ०५:०० वाजेपर्यंत हाती घेण्यात येणार आहे. यास्तव, दर शनिवारी म्हणजेच दिनांक १३ मे २०२३, २० मे २०२३ व २७ मे २०२३ रोजी `एल` वॉर्ड मधील खाली नमूद केलेल्या विभागांमध्ये पाणीपुरवठा पूर्णतः बंद राहील.
‘एल पूर्व’ विभागः संघर्ष नगर, लॉयलका कंपाउंड, सुभाष नगर, भानुषालीवाडी, यादव नगर, दुर्गामाता मंदीर, कुलकर्णीवाडी, डिसुजा कंपाउंड, लक्ष्मी नारायण रोड, जोश नगर, आजाद मार्केट. (सकाळी ८.०० ते दुपारी १.०० वा. ही नियमित पाणीपुरवठ्याची वेळ. मात्र, दर शनिवारी म्हणजेच १३ मे २०२३, २० मे २०२३ व २७ मे २०२३ ला पाणीपुरवठा पूर्णपणे बंद राहील).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
