मुंबई - भारतीय शेअरबाजार निर्देशांकांनी आज आपली आगेकूच कायम ठेवली, मात्र शेवटच्या तासात नफावसुली झाल्याने निर्देशांकांचा बराचसा फायदा निघून गेला. आज सेन्सेक्स १८.११ अंश तर निफ्टी ३३.६० अंश वाढला.
आज निर्देशांकांनी फारशी वाढ दाखवली नसली तरीही बीएसई वरील सर्व गुंतवणुकदारांच्या एकूण गुंतवणुकीचे मूल्य एक लाखकोटी रुपयांनी वाढले. काल बीएसई वरील सर्व शेअरचे भांडवली बाजारमूल्य २७८.७९ लाखकोटी रुपये होते, ते आज २७९.७८ लाखकोटी रुपये झाले.
आज धातुनिर्मिती कंपन्या, औषध कंपन्या, वाहनिर्मिती कंपन्या, एफएमसीजी कंपन्या यांच्या शेअरची खरेदी झाली, तर आयटी आणि बांधकाम व्यवसाय यांच्या शेअरची विक्री झाली. दिवसअखेर सेन्सेक्स ६१,९८१.७९ अंशांवर तर निफ्टी १८,३४८ अंशांवर स्थिरावला.
बीएसई वर बजाज फीनसर्व्ह, टाटा मोटर, एशियन पेंट, आयटीसी व इंडसइंड बँक या शेअरचे भाव एक टक्का वाढले. तर टेक महिंद्र, टायटन, एचसीएल टेक, कोटक बँक, लार्सन अँड टुब्रो व सनफार्मा या शेअरचे भाव एक टक्का घसरले.
निफ्टीला सध्या १८,५०० च्या आसपास प्रतिरोध आहे, ती पातळी वरच्या दिशेने निर्णायकरित्या तोडून निफ्टी काही दिवस तेथेच टिकला तर १८,८०० च्या दिशेने तेजी सुरु होईल.
- रुपक डे, तांत्रिक विश्लेषक, एलकेपी सिक्युरिटीज.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
