मुंबई: रमण राघव (Raman raghav), बियर मॅन नंतर मुंबईत आणखी एका सायको किलरने (psycho killer) दहशत निर्माण केली होती. सुरेश शंकर गौडा असे अटक केलेल्या आरोपीचे नाव आहे. त्याने 2015 सालीही अशाच प्रकारे कुर्ल्यात (kurla) एकाची हत्या (Murder) केली होती. सीसीटीव्हीच्या मदतीने मुंबई पोलिसांनी नराधम आरोपीला शोधून काढलं. मुंबईच्या रस्त्यांवर हा सायको किलर मोकाट फिरत होता.
अवघ्या 15 मिनिटात त्याने दगडाने ठेचून दोन जणांची हत्या केली. सायको किलरला मुंबई पोलिसांनी अटक केली आहे. शनिवारी भायखळा आणि जे जे मार्ग परिसरात अवघ्या 15 मिनिटात दोघांची हत्या झाली होती. आरोपीने दोन्ही ठिकाणी फुटपाथवर झोपलेल्या दोन व्यक्तीच्या डोक्यात पेव्हर ब्लॉक टाकून हत्या केली होती. धक्कादायक म्हणजे आरोपीने चौकशी दरम्यान या हत्या सहज म्हणून केल्याचे सांगितलं.
मुंबई पोलीस आता फुटपाथवर झालेल्या सर्व हत्यांच्या केसेसची पडताळणी करणार आहेत. आरोपी गौडाने अशा अनेक हत्या केल्याचा संशय आहे. 2015 सालच्या हत्येच्या गुन्हयात त्याला अटक झाली होती मात्र पुराव्याअभावी त्याची 2016 साली सुटका झाली होती. सध्या आरोपी तुरुंगात असून भायखळा पोलीस दुसऱ्या हत्येच्या प्रकरणात त्याचा ताबा घेणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
