आता डिलिव्हरी बॉयवर मुंबई पोलिसांची करडी नजर

मुंबई पोलिसांकडून (Mumbai Police) डिलिव्हरी बॉयबाबत (Delivery Boy) कडक संदेश पाठवण्यात आला आहे. कुरियर, खाद्य पदार्थ पुरवणाऱ्या डिलिव्हरी बॉईजची (Deliveyr Boy) नियुक्ती करताना त्यांचा चारित्र्य पडताळनीचा अहवाल असणे आवश्यक आहे. चारित्र्य पडताळणी न केलेला डिलिव्हरी बॉय एखाद्या गुन्ह्यांत सहभागी आढळल्यास कंपनीलाही जबाबदार धरण्यात येईल, अशा सूचना मुंबई पोलिस आयुक्त संजय पांडे (Sanjay Pande) यांनी दिल्या आहेत.

मुंबई पोलिस प्रमुखांनी कुरिअर सेवा, ऑनलाइन विक्री आणि खाद्यपदार्थ वितरण या क्षेत्रातील सुमारे 30 कंपन्यांच्या प्रतिनिधींसोबत बैठक घेतली. यादरम्यान संबंधित कंपनींनी डिलिव्हरी बॉईजना प्रशिक्षण देण्याचे आणि डिलिव्हरीसाठी त्यांच्या कर्मचाऱ्यांच्या वाहतुकीवर आणि नियमाचे उल्लंघन करत नाहीत यावर लक्ष ठेवण्याचे निर्देश दिले आहेत. डिलिव्हरी वेळेवर न दिल्याने डिलिव्हरी बॉयच्या पगारावर परिणाम होत असल्याने मुंबई पोलिसांनी सूचना दिली आहे.

कंपनीवरही कडक कारवाई होणार

वाहतूक नियमांचे उल्लंघन करताना कोणताही डिलिव्हरी बॉय पकडला गेला तर त्याच्यावर गुन्हा दाखल केला जाईलच, शिवाय हा मुलगा ज्या कंपनीत काम करतो, त्याच्यावरही कठोर कारवाई केली जाईल, असे पोलीस प्रमुखांनी यावेळी सांगितले आहे. तसेच, कुरिअर बॉईजने केलेल्या गंभीर गुन्ह्यांची संख्या पाहता, कंपन्यांनी त्यांना कामावरती घेताना त्यांची पूर्ववर्ती योग्यरित्या तपासणी करावी आणि त्यांना योग्य पोशाख प्रदान करावे याचेही निर्देश देण्यात आले आहेत.