मुंबई पुणे द्रुतगती महामार्गावर अपघात; दोन किमी वाहनांच्या रांगा

लोणावळा : मुंबई पुणे द्रुतगती महामार्गावर लोणावळा येथे घाटात अपघात झाल्यामुळे वाहनांच्या रांगा लागल्या आहेत. त्याचबरोबर गणपती उत्सवामुळे मुंबईहून अनेक लोक गावी जात असल्यामुळे महामार्गावर जास्त गर्दी आहे.

(Mumbai Pune Express Way Traffic Jam)

लोणावळा जवळील अमृतांजन पूलाजवळ हा अपघात घडल्यामुळे वाहनांच्या दीड ते दोन किलोमीटर पर्यंत रांगा लागल्या आहेत. पुण्याकडे जाणाऱ्या लेनमध्ये वाहनांच्या रांगा लागल्या असून सलग सुट्ट्या, गणपती उत्सवामुळे पर्यटकांच्या आणि कोकणात जाणाऱ्यांची गणेशभक्तांची संख्या जास्त आहे.

दरम्यान, मुंबई पुणे द्रुतगती महामार्गावर अपघात झाला आहे. यासंदर्भात नुकसानीची माहिती समोर आली नसून किरकोळ अपघात असल्याचं सांगण्यात येत आहे. यामुळे गणेशभक्तांची मोठ्या प्रमाणावर अडचण निर्माण झाली आहे. दोन किलोमीटरपर्यंत वाहनांच्या रांगा लागल्याने वाहतूक पोलिसांकडून वाहतूक सुरळीत करण्यासाठी प्रयत्न सुरू आहेत.