पुणे मुंबई द्रुतगती महामार्गावर तात्पुरती टोल माफी

मुंबई : मुंबई पुणे द्रुतगती महामार्गावर दुरूस्तीचे काम चालू असल्यामुळे टोल न आकारण्याचे आदेश मुख्यमंत्र्यांनी दिले आहेत. त्यामुळे या मार्गावरून प्रवास करणाऱ्या प्रवाशांना तात्पुरती टोल माफी मिळणार आहे. तसेच द्रुतगती महामार्गावरील वाहतूक कोंडी फोडण्यासाठी हा निर्णय घेण्यात आल्याचं सांगण्यात येत आहे. अशी माहिती ABP माझा या वृत्तवाहिनीने दिली आहे.

(Toll Free For Today Mumbai Pune Express Way)

मुंबई पुणे द्रुतगती महामार्गावर सध्या दुरूस्तीचे काम सुरू आहे. ओव्हरहेड गॅन्ट्रीच्या कामामुळे या महामार्गावर सध्या मोठ्या प्रमाणावर वाहतूक कोंडी झाली आहे. त्याचबरोबर गणेशोत्सव आणि सुट्ट्यामुळे पर्यटकांची आणि गणेशभक्तांची महामार्गावर गर्दी झाली आहे. ही गर्दी टाळण्यासाठी मुख्यमंत्र्यांनी तात्पुरती टोलमाफी केली होती. त्यानंतर ही टोल आकारणी सुरळीतपणे चालू आहे. त्याचबरोबर गणेशोत्सवासाठी जाणाऱ्या भक्तांसाठी टोल माफीची घोषणा काल मुख्यमंत्र्यांनी केली होती. त्यानुसार ज्या वाहनांकडे गणेशोत्सवासाठी पास किंवा स्टिकर्स आहेत त्या वाहनांना टोल माफ करण्यात येत आहे.

दरम्यान, आज सकाळी लोणावळा येथील अमृतांजन पूलाजवळ अपघात घडला होता. त्यामुळे दीड ते दोन किलोमीटर पर्यंत वाहनांच्या रांगा लागल्या होत्या. त्याचबरोबर महामार्गाच्या दुरूस्तीच्या कामामुळे काल दोन तासासाठी महामार्गावर ब्लॉक देण्यात आला होता. त्यानंतर आज वाहतूक कोंडी फोडण्यासाठी महामार्गावर अर्ध्या तासासाठी टोलमाफी देण्यात आली होती.