पुणेः 'मुंबई-पुणे एक्स्प्रेस वे'वर मागील काही दिवसांपासून अपघातांचं प्रमाण वाढलं आहे. आजदेखील सायंकाळच्या दरम्यान एक कंटेनर पलटी झाल्याची घटना घडली आहे. त्यामुळे वाहतूक ठप्प झालीय.
काही दिवसांपूर्वी मुंबई-पुणे एक्स्प्रेस वेवर दरड कोसळली होती. त्यामुळे दुसऱ्या दिवशीपर्यंत मलबा हटवण्याचं काम सुरु होतं. त्यापूर्वीहीदेखील दरड कोसळून वाहतुकीला अडथळा निर्माण झालेला होता. आज पुन्हा एक घटना घडली आहे.
सायंकाळच्या दरम्यान एक कंटेनर महामार्गावर पलटी झाला. या अपघातामध्ये कुठलीही जीवितहानी झालेली नाही. चालकाचा ताबा सुटल्याने एक्स्प्रेस वेवर कंटेनर पलटी झाला.
रस्त्यावरच अपघात झाल्याने वाहतूक ठप्प झाली आहे. विशेषतः पुण्याकडे येणाऱ्या वाहतुकीला अडथळा निर्माण झाला आहे. महामार्ग पोलिस वाहतूक सुरळीत करण्यासाठी प्रयत्न करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
