Mumbai-Pune Expressway Fire Accident : मुंबई-पुणे एक्सप्रेस वेवर मोठी दुर्घटना घडली. या द्रुतगती महामार्गावरील लोणावळा ओव्हरब्रिजवर तेलाच्या टँकरला भीषण आग लागून चार जणांचा मृत्यू झाला, तर तीन जण जखमी झाले. महामार्गाची केवळ एक बाजू वापरात असल्याने वाहतूक विस्कळीत झाल्याचे पुणे ग्रामीण पोलिसांनी सांगितले आहे.
अद्याप हा अपघात कसा घडला याची माहिती अद्याप मिळू शकलेली नाहीये. पुलावर घडलेल्या या घटनेत ऑइल टँकरला आग लागल्याचे व्हिडीओ समोर आले आहेत. आगीचा भडका उडाल्याने द्रुतगती महामार्ग आणि त्याखालून जाणारा महामार्ग या दोन्ही महामार्गावर या आगीच्या झळा पोहचत आहेत. या आगीत दोन व्यक्ती होरपळल्याची तर एकाचा मृत्यू झाल्याची माहिती मिळत आहे. जखमींना रुग्णालयात पोहचवण्यात आले आहे.
ड्रायव्हर जागीच ठार!
केमिकलचा टँकरला खंडाळा घाटात आग लागली असून या घटनेत टँकरचा चालक जागीच ठार झाला असून क्लिनर जखमी झाला आहे. आगीचा लोळ खाली पडून एक महिला जखमी झाली आहे अशा माहिती पोलिस अधिक्षक लता फड यांनी एबीपी माझाशी बोलताना दिली. या आगीमुळे महामार्गावर थांबवण्यात आलेली वाहतूक आता सुरू करण्यात आल्याचं देखील त्यांनी सांगितलं. तसेच या प्रकरणाचा तपास स्थानिक पोलिस करतील असेही फड यावेळी म्हणाल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
