Mumbai-Pune Travel Update : मुंबई-पुणे प्रवासाचे प्लॅनिंग करणाऱ्यांसाठी महाराष्ट्र राज्य रस्ते विकास महामंडळामार्फत महत्वाची सूचना जारी करण्यात आली आहे. मुंबई-पुणे द्रुतगती मार्गाच्या पुणे वाहिनीवर वाहतूकीत काही काळासाठी बदल करण्यात येणार आहेत. त्यामुळे प्रवासाचे नियोजन असणाऱ्यांनी पर्यायी मार्गाचा वापर करण्याचे आवाहन करण्यात आले आहे.
मुंबई-पुणे द्रुतगती मार्गाच्या पुणे वाहिनीवरील (पुणेकडे जाणा-या) कळंबोली गावाजवळ ओव्हर हेड गॅन्ट्री उभारण्याचे काम करण्यात येणार आहे. यामुळे या मार्गावरील वाहतूक आज (दिनांक १२ फेब्रुवारी) रोजी दुपारी १२.०० ते दुपारी ०३.०० या कालावधीत पूर्णपणे बंद करण्यात येणार आहे.
तसेच ही वाहतूक कळंबोली गाव ते पनवेल सर्कल ते देवांश इन हॉटेल जवळून पनवेल रंम्प पासून पून्हा द्रुतगती मार्गे पुणेकडे वळविण्यात येणार आहे.
आज दुपारी १२ ते ३ या कालावधीत द्रुतगती मार्गावरील वाहनांनी वरील पर्यायी मार्गाचा उपयोग करावा असे अवाहन करण्यात आले आहे.
तसेच या कालावधी दरम्यान द्रुतगती मार्गावरील वाहनचालकांना काही अडचण असल्यास त्यांनी मदतीसाठी मुंबई-पुणे द्रुतगती मार्गाच्या नियंत्रण कक्षाच्या दुरध्वनी ९८२२४९८२२४ या क्रमांकावर किंवा महामार्ग पोलीस विभागाच्या ९८३३४९८३३४ या क्रमांकावर सपंर्क साधावा असे सांगण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
