Mumbai, Pune Rain: पुणे, मुंबईत गणेश विसर्जनाचा उत्साह; शहरांवर वादळी पावसाचे क्षेत्र; 'सतर्क'तेचा इशारा

पुणे : राज्यातील मुंबई आणि पुणे या दोन बड्या शहरांमध्ये गणेश विसर्जन मिरवणुकांचा उत्साह असून रस्त्यांवर मोठ्या प्रमाणावर गर्दी आहे. दरम्यान, उत्तर कोकणपासून मराठवाड्यापर्यंत वादळी पावसाचे क्षेत्र तयार झालं असून पुणे शहरावर उंच ढगांची निर्मिती होत असल्याची माहिती 'सतर्क' या हवामानविषयक माहिती देणाऱ्या पोर्टलनं दिली आहे. (Mumbai Pune Rain Updates Ganesh Visarjan thunderstorms formed over cities)

वादळी पावसाचं क्षेत्र

सतर्कच्या माहितीनुसार, पुणे आणि परिसरात उंच ढगांची निर्मिती होत आहे. काही ठिकाणी कमी वेळात जास्त पाऊस होण्याची शक्यता आहे. उत्तर कोकणपासून मराठवाड्यापर्यंत वादळी पावसाचं क्षेत्र सक्रिय आहे" (Latest Marathi News)

पावसातही उत्साह कायम

दरम्यान, मुंबईत सध्या जोरदार पावसानं हजेरी लावली आहे. पण पावसातही लोकांमधील उत्साह कमी झालेला नाही. मोठ्या प्रमाणावर लोक मिरवणुका पाहण्यात दंग आहेत. त्याचबरोबर पुणे शहर देखील आकाशात ढग दाटून आल्यानं अंधारुन गेलं आहे. त्यामुळं जोरदार पावसाची शक्यता आहे. पण पुण्यातल्या मिरवणूक मार्गावरही प्रचंड गर्दी दिसून येत आहे. (Marathi Tajya Batmya)