Mumbai Railway : मध्य रेल्वेचा विशेष मेल, एक्सप्रेस गाड्यांची मुदतवाढ !

Mumbai Railway - रेल्वे प्रवाशांच्या सोयीसाठी आणि त्यांच्या मागणीची पूर्तता करण्यासाठी मध्य रेल्वेने विशेष गाड्यांचा कालावधीत वाढ केली आहे. यामध्ये दादर -धुळे सुपरफास्ट, दादर-बलिया त्रि-साप्ताहिक, तिरुपती-सोलापूर साप्ताहिक विशेष गाडयांना मुदत वाढ दिली आहे. त्यामुळे रेल्वे प्रवाशांना गर्दीतून दिलासा मिळणार आहेत.

मध्य रेल्वेने दिलेल्या माहितीनुसार, ट्रेन क्रमांक ०१०२५ दादर-बलिया त्रि-साप्ताहिक धावणारी विशेष गाडी ३० जून ऐवजी आता २९ सप्टेंबरपर्यंत वाढविण्यात आली आहे. तर ट्रेन क्रमांक ०१०२६ बलिया-दादर त्रि-साप्ताहिक विशेष गाडी २ जुलै ऐवजी आता २९ सप्टेंबरपर्यंत वाढविण्यात आली आहे. ट्रेन क्रमांक ०१०२७ दादर- गोरखपूर आठवड्यातून ४ दिवस २९ जूलै ऐवजी ३० सप्टेंबरपर्यंत वाढवण्यात आली आहे.

तर ट्रेन क्रमांक ०१०२८ गोरखपूर- दादर आठवड्यातून ४ दिवस ३ जुलै ऐवजी ३० सप्टेंबरपर्यंत वाढवण्यात आली आहे. यासोबत ट्रेन क्रमांक ०११३९ नागपूर- मडगाव द्वि-साप्ताहिक विशेष १ जुलै ऐवजी ३० सप्टेंबरपर्यंत विस्तारित करण्यात आली आहे. तसेच ट्रेन क्रमांक ०११४० मडगाव- नागपूर द्वि-साप्ताहिक विशेष २ जुलै ऐवजी १ ऑक्टोबरपर्यंत वाढविण्यात आली आहे.

ट्रेन क्रमांक ०१४३५ सोलापूर-मुंबई साप्ताहिक विशेष ४ जुलै ऐवजी २५ जुलै पर्यंत तर ट्रेन क्रमांक ०१४३६ मुंबई-सोलापूर साप्ताहिक स्पेशल २८ जून ऐवजी २६ जुलै पर्यंत वाढविण्यात आली आहे. ट्रेन क्रमांक ०१४३७ सोलापूर-तिरुपती साप्ताहिक स्पेशल ३० जून ऐवजी २८ जुलैपर्यंत वाढवण्यात आली आहे.

ट्रेन क्रमांक ०१४३८ तिरुपती-सोलापूर साप्ताहिक स्पेशल २९ जून ऐवजी २७ जुलै पर्यंत वाढविण्यात आली आहे. ट्रेन क्रमांक ०२१०१ दादर-मनमाड सुपरफास्ट स्पेशल ३० जून ऐवजी ३० सप्टेंबर पर्यंत वाढविण्यात आली आहे. ट्रेन क्रमांक ०२१०२ मनमाड- दादर सुपरफास्ट विशेष ३० जून ऐवजी २९ सप्टेंबरपर्यंत विस्तारित करण्यात आली आहे.

यासोबत ट्रेन क्रमांक ०१०६६ दादर-धुळे सुपरफास्ट स्पेशल १ जुलै ऐवजी २९ सप्टेंबर पर्यंत वाढविण्यात आली आहे. ट्रेन क्रमांक ०१०६५ धुळे - दादर सुपरफास्ट विशेष ३० जून ऐवजी ३० सप्टेंबरपर्यंत वाढविण्यात आली आहे. ट्रेन क्रमांक ०१४३९ पुणे – अमरावती विशेष २ जुलै ऐवजी ३० जुलैपर्यंत विस्तारित करण्यात आली आहे.

ट्रेन क्रमांक ०१४४० अमरावती-पुणे विशेष ३ जुलै ऐवजी ३१ जुलैपर्यंत वाढवण्यात आली आहे. ट्रेन क्रमांक ०१११७ मुंबई- दानापूर विशेष १८ जून ऐवजी २९ जून पर्यंत वाढविण्यात आली आहे. ट्रेन क्रमांक ०१११८ दानापूर-मुंबई विशेष १९ जून ऐवजी ३० जून पर्यंत वाढविण्यात आली आहे.