Mumbai Rain Ubdate : कांदिवली पूर्व येथील ९० फुटी मार्गावरील सेंट लॉरेन्स शाळेसमोरील गतिरोधक पावसाच्‍या पाण्याने वाहून गेला आहे. त्‍यामुळे या गतिरोधकाची डागडुजी करावी किंवा तो नव्‍याने बांधण्यात यावा, अशी मागणी पालकवर्गांकडून करण्यात येत आहे.
येथील पोईसर झोपडपट्टी विभागातील गावदेवी मार्गाला जोडणारा ९० फुटी मार्ग पुढे पश्‍चिम द्रुतगती मार्गाला जातो. या मुख्य मार्गावर मोठ्या प्रमाणात वाहतूक असते. तसेच या मार्गावर सेंट लॉरेन्स इंग्रजी माध्यमाची शाळा आहे.
शाळेच्या मुख्य प्रवेशद्वारासमोरील रस्‍त्‍यावरील गतिरोधक मुसळधार पावसात वाहून गेला आहे. त्‍यामुळे वाहने अतिवेगाने चालवण्यात येत आहेत. शाळेच्या आवारात विद्यार्थ्यांची गर्दी असते. त्‍यामुळे एखादा अपघात होण्याची भीती पालकांकडून व्‍यक्‍त करण्यात येत आहे.
त्‍यामुळे पालिकेने तत्‍काळ येथील गतिरोधक नव्‍याने बांधावा, अशी मागणी पालकांसह रहिवाशांकडून करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
