मुंबईत रविवारी दशकातील नीचांकी कमाल तापमानाची नोंद

मुंबई - मुंबईतील (Mumbai) कमाल तापमानात (Temperature) विक्रमी घट झाल्याने मुंबईकरांना भर दिवसा हुडहुडी (Cold) जाणवली. आज मुंबईतील सांताक्रुझ विभागातील कमाल तापमान 23.8 अंश सेल्सिअस तर कुलाबा विभागातील कलाम तापमान 24 अंश सेल्सियस इतके नोंदविण्यात आले. गेल्या दहा वर्षांतील हे नीचांकी कमाल तापमान असल्याची माहिती भारतीय हवामान शास्त्र विभागाचे वरिष्ठ शास्त्रज्ञ कृष्णानंद होसाळीकर यांनी आपल्या ट्विट करून दिली.

मुंबईत आज दिवसभर धूळीचे वादळाचा परिणाम जाणवला. त्यामुळे वाढलेल्या प्रदूषणामुळे मुंबईकर हैराण झाले. मात्र सकाळ पासून मुंबईत प्रचंड गारवा जाणवत होता. भर दुपारी देखील ढगाळ वातावरणामुळे बरेच तास सूर्याचे दर्शन झाले नाही. या दरम्यान झोबंणाऱ्या गार वाऱ्यांनी अंगावर शहरे देखील आणले. कमाल तापमानात घट झाल्याने आज दिवसभार थंडी जाणवली.

राज्यातील कोकण, गोवा, मध्य महाराष्ट्र आणि विदर्भात काही ठिकाणी पावसाच्या सरी कोसळल्या. तर मध्य महाराष्ट्रात तुरळक ठिकाणी किमान तापमानात सरासरीच्या तुलनेत लक्षणीय वाढ झाली आहे. मराठवाड्यात काही ठिकाणी व कोकण, गोव्यात तुरळक ठिकाणी किमान तापमानात सरासरीच्या तुलनेत किंचित वाढ झाली आहे. विदर्भात तुरळक ठिकाणी किमान तापमानात सरासरीच्या तुलनेत किंचित घट झाली आहे.

शहरांचे किमान कमाल तापमान (अंश सेल्सिअसमध्ये)

मुंबई 21 23.8

जळगाव 14 28

नाशिक 14.8 21.6

सातारा 13.6 26.8

सोलापूर 15.3 30.8

अकोला 15.7 30.4

अमरावती 14.3 29.2

बुलडाणा 14.3 28

गोंदिया 15.6 29.8

नागपूर 15.5 30

वाशिम 12 30

वर्धा 15.4 30