मुंबई : राज्य शिक्षण मंडळाच्या (Maharashtra education board) सध्या सुरू असलेल्या दहावी आणि बारावीच्या परीक्षेत (ssc and hsc exam) कॉपीला आळा घालण्यासाठी मुंबई विभागीय मंडळाच्या अध्यक्षांनी मुंबईतील अनेक परीक्षा केंद्रांवर प्रत्यक्ष (inspection at exam center) जाऊन झाडाझडती घेतली. अध्यक्षांनी कांदिवली आणि परिसरातील परीक्षा केंद्रात अचानकपणे येऊन केलेल्या तपासणीमुळे येथील केंद्रप्रमुख आणि परीक्षा केंद्रातील शिक्षकांची तारांबळ उडाली. या वेळी अनेक ठिकाणी त्रुटी आढळून आल्या.
कांदिवली परिसरात असलेल्या ठाकूर महाविद्यालयात बारावीच्या विद्यार्थ्यांची संख्या अधिक असल्याने या ठिकाणी विद्यार्थ्यांच्या बैठक व्यवस्थेत बऱ्याच त्रुटी आढळून आल्या. त्यामुळे येत्या काळात त्यात दुरुस्ती करण्याचे आदेश दिले जातील, अशी माहिती मुंबई विभागीय मंडळाचे अध्यक्ष नितीन उपासनी यांनी दिली. येथील शिक्षकांना तसेच केंद्रप्रमुखांनाही विविध प्रकारच्या सूचना दिल्या. पेपर संपल्यानंतर अनेकांशी गप्पा मारून त्यांच्या अडचणी समजून घेतल्या, असे उपासनी यांनी सांगितले.
कॉपीची प्रकरणे समोर आल्याने विद्यार्थ्यांना परीक्षा केंद्रामध्ये मोबाईल आणण्यास बंदी घालण्यात आली आहे. यासोबतच परीक्षा केंद्रामध्ये एक तास अगोदर उपस्थित राहण्याच्या सूचनाही देण्यात आल्या आहेत. त्या सूचनांचे पालन किती प्रमाणात होते हेही यादरम्यान आपल्याला लक्षात आल्याचेही उपासनी यांनी सांगितले. उद्या (सोमवार, ता. २१) बारावीचा पेपर असून त्याच्या पार्श्वभूमीवर पेपर साठवणूक कक्ष आदी ठिकाणी जाऊन आपण पेपरचे वितरण कशाप्रकारे केले जात आहे याची माहिती घेतल्याचेही उपासनी यांनी सांगितले. मुंबई आणि परिसरातील अनेक परीक्षा केंद्रांवर सुरू असलेल्या कामकाजाची माहिती घेणार असल्याचेही उपासनी यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
