मुंबई : मुंबईतील मिठागरांच्या जमिनीचा (Mumbai Salt Pan land) समुचित वापर करण्यासाठी एमएमआरडीएतर्फे (MMRDA) बृहत आराखडा तयार करण्यात येणार आहे. यासाठी सल्लागार कंपनीची (Advisory company) नेमणूक करण्यात येणार असून या कामासाठी एमएमआरडीएने (MMRDA Tender) निविदा काढली आहे. मात्र कंपन्यांकडून प्रतिसाद न मिळाल्याने निविदा प्रक्रियेला मुदतवाढ (Extension) देण्यात आली आहे. त्यानुसार कंपन्यांना 20 ऑक्टोबरपर्यंत निविदा सादर करता येईल. तर 22 ऑक्टोबर रोजी निविदा खुल्या करण्यात येणार आहेत.
मिठागरांच्या जमिनीवर उद्याने, क्रीडांगण निर्माण करणे, पर्यावरणाच्या दृष्टिकोनातून संवेदनशीलक्षेत्र वगळता उर्वरीत भागांवर सामान्यांना परवडणारी घरे बांधण्यासाठी नियोजन करता येईल काय याविषयीच्या प्रस्तावांचा बृहत आराखड्यामध्ये अंतर्भाव करण्याबाबत विचार व्हावा, असे राज्य सरकारने उच्चाधिकार समितीला सुचविण्यात आले आहे. त्यानुसार सरकारने बृहत आराखडा तयार करण्याची जबाबदारी एमएमआरडीएकडे सोपवली आहे.
याकामी सल्लागाराची नेमूणक करण्यासाठी एमएमआरडीएने जुलै महिन्यात इच्छुक कंपन्यांकडून निविदा मागविल्या होत्या. त्याला प्रतिसाद न मिळाल्याने एमएमआरडीएने तीन वेळा मुदतवाढ दिली आहे. या मुदतवाढीनुसार स्वारस्य दाखविणाऱ्या कंपनीस 20 ऑक्टोबरपर्यंत निविदा भरता येईल. तर यावेळी निविदेला प्रतिसाद लाभल्यास 22 तारखेला निविदा खुली करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
