डोंबिवली - 14 वर्षीय मुलीला प्रेमाच्या जाळ्यात ओढून तिच्यावर 16 वर्षीय मुलाने अत्याचार केला. यात ती मुलगी दोन महिन्यांची गर्भवती राहिली.
तिच्या पोटात दुखू लागल्याने तिला रुग्णालयात दाखल केले असता हा धक्कादायक प्रकार उघडकीस आला. याप्रकरणी शीळ डायघर पोलीस ठाण्यात गुन्हा दाखल करण्यात आला असून पोलिसांनी अल्पवयीन मुलास ताब्यात घेतले आहे.
सूत्रांकडून मिळलेल्या माहितीनुसार 14 वर्षीय पीडित मुलगी ही शीळ डायघर पोलीस ठाण्याच्या हद्दीत राहत असून ती एका शाळेत शिक्षण घेत आहे. तर पोलिसांच्या ताब्यात असलेला अल्पवीयन विद्याथीं हा त्याच परिसरात असलेल्या एका महाविद्यालयात शिक्षण घेत आहे.
गेल्या काही महिन्यापासून दोघांमध्ये ओळख होऊन मैत्री झाली. नंतर दोघांचे प्रेम संबंध जुळले. त्यानंतर नेहमीच शाळा - महाविद्यालयात जाण्याच्या बाहण्याने ते दोघे एकमेकांना भेटत होते. मात्र त्यांच्या दोघांच्याही घरच्यांना त्यांच्यातील प्रेमसंबंधाची माहिती नव्हती.
प्रेम जुळल्याने दोघे एकमेकांना भेटत असताना त्या अल्पवयीन विद्यार्थांकडून पीडित शाळकरी मुलीवर अत्याचार करण्यात आला. मात्र यामुळे काय घडेल त्याची कल्पना दोघांना नव्हती. त्यातच अत्याचारामुळे पीडित अल्पवयीन मुलीच्या पोटात दुखू लागले.
उपचारासाठी तिला घरच्यांनी रुग्णालयात नेले असता, पीडित मुलगी दोन महिन्याची गरोदर असल्याचे समोर आले. त्यानंतर घरच्यांनी तिच्याकडे चौकशी केली असता तिने घडलेला प्रसंग सांगितला. दरम्यान, पीडित मुलीच्या तक्रारीवरून शुक्रवारी 4 ऑगस्टला अल्पवीयन विद्यार्थांवर अत्याचार आणि पोक्सोसह विविध कलमानुसार गुन्हा दाखल करण्यात आला. पोलिसांनी मुलाला ताब्यात घेतले असून याचा अधिक तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
