सबस्क्राईब करा
ठाणे : ‘‘आतापर्यंत चार युगे होऊन गेली, पण कलियुगातही सर्वश्रेष्ठ युग म्हणजे लतायुग, गानकोकिळा लता मंगेशकर यांची गाणी म्हणजे आपल्या जीवनाचा एक भाग बनला आहे. पहाटेच्या भूपाळीपासून ते रात्रीच्या अंगाईपर्यंत त्यांनी गायलेल्या गाण्याचे स्वर आपल्या कानी येतात. त्यांची ही स्मृती कायम राहावी, याच भावनेतून ठाण्यात भारतरत्न लता दीनानाथ मंगेशकर संगीत विद्यालयाची उभारणी होत आहेत,’’ अशी भावना मुख्यमंत्री एकनाथ शिंदे यांनी व्यक्त केली. या संगीत गुरुकुलातून भविष्यात उत्तम गायक, संगीतकार, गीतकार तयार होतील, असा विश्वासही त्यांनी यावेळी व्यक्त केला.
ठाणे महापालिका क्षेत्रातील मूलभूत सोयी सुविधांचा विकास या योजनेअंतर्गत वर्तकनगर येथे रेप्टोक्रॉस आरक्षित भूखंड येथे भारतरत्न लता दीनानाथ मंगेशकर संगीत विद्यालयाचे (गुरुकुल) भूमिपूजन रविवारी मुख्यमंत्री एकनाथ शिंदे यांच्या हस्ते करण्यात आले. डॉ. काशिनाथ घाणेकर नाट्यगृहात झालेल्या या कार्यक्रमाला प्रमुख पाहुण्या म्हणून ज्येष्ठ गायिका उषा मंगेशकर, कृष्णा आदिनाथ मंगेशकर, आमदार प्रताप सरनाईक हे व्यासपीठावर उपस्थित होते.
ठाण्याचे बदलते रूप बघून शहराला साजेशी इमारत लता मंगेशकर गुरुकुलसाठी उभारली जात आहे. त्याचा ठाणेकरांनी लाभ घ्यावा, असे आवाहन ज्येष्ठ गायिका उषा मंगेशकर यांनी या सोहळ्यात केले. तसेच, हे संगीत विद्यालय चालवण्याची जबाबदारी मंगेशकर कुटुंबीयांकडे सोपविल्याबद्दल त्यांनी प्रशासनाचे आभार मानले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.