सबस्क्राईब करा
मुंबईत उद्योगपती मुकेश अंबानी यांचे पुत्र अनंत अंबानी आणि राधिका मर्चंट यांचा हायप्रोफाईल लग्न सोहळा पार पडणार आहे. बांद्रा-कुर्ला कॉम्प्लेक्स इथं जिओ वर्ल्ड कन्व्हेन्शन सेंटरमध्ये हा लग्न सोहळा पार पडणार आहे. यानिमित्त विविध कार्यक्रमांचं आयोजन करण्यात आलं आहे. यासाठी मुंबई पोलिसांकडून या भागातील वाहतुकीत बदल करण्यात आला आहे. (Mumabi Traffic Ambani Wedding traffic changes avoid on going these routes)
मुंबई पोलिसांनी वाहतुकीतील बदलाबाबत काढलेल्या पत्रकानुसार, ५ जुलै रोजी संध्याकाळी ४ वाजल्यापासून मध्य रात्रीपर्यंत तसेच १२ ते १५ जुलै या काळात दुपारी १ वाजल्यासपासून मध्यरात्रीपर्यंत जिओ वर्ल्ड कन्व्हेन्शन सेंटरला जाणाऱ्या रस्त्यांवर वाहनांना प्रवेश बंद असणार आहे. यासाठी कुर्ला एमटीएनएल रोडवरुन लक्ष्मी टॉवर जंक्शनच्या माध्यमातून धीरुभाई अंबानी स्क्वेअर अन्व्हेन्यू लेन क्रमांक ३, इंडियन ऑईल पेट्रोल पंप आणि डायमंड जंक्शनपासून हॉटेल ट्रायडंटपर्यंत जाणाऱ्या वाहनांना प्रवेश बंद राहणार आहे.
याशिवाय वन बीकेसीतून येणाऱ्या वाहनांना लक्ष्मी टॉवर जंक्शनवर डाव्या बाजुला वळावं लागेल. तसंच डायमंड गेट क्रमांक ८ वर जाऊन नंतर नाबार्ड जंक्शनवर डाव्या बाजुला वळावं लागेल. तिथून पुढे डामंड जंक्शनपर्यंत जाऊन धीरुभाई अंबानी स्क्वेअर आणि इंडियन ऑईल पेट्रोल पंपाच्या माध्यमातून बीकेसीच्या दिशेन जावं लागेल.
रिलायन्स इंडस्ट्रीजचे चेअरमन मुकेश अंबानी यांचा मुलगा अनंत अंबानी आणि उद्योगपती वीरेंद्र मर्चंट यांची कन्या राधिका मर्चंट यांची १२ जुलै रोजी लग्न सोहळा पार पडणार आहे. यानंतर १३ जुलै रोजी आशीर्वाद सोहळा पार पडणार आहे. त्यानंतर १४ जुलै रोजी अंतिम लग्नसोहळा म्हणजे रिसेप्शन असेल. या कार्यक्रमासाठी पाहुण्यांना भारतीय पारंपारिक पेहरावात येण्यास सांगण्यात आलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
