मुंबई विद्यापीठाला मुसळधार पावसाचा फटका, 'या' परीक्षा पुढे ढकलल्या

मुंबई : मागील काही दिवसांपासून मुंबईसह (Mumbai) ठाणे, रायगड, रत्नागिरी, सिंधुदुर्ग व पालघर या कोकण परिसरात होत असलेल्या अतिवृष्टीमुळे (Heavy Rainfall) मुंबई विद्यापीठाच्या(Mumbai university) दूर व मुक्त अध्ययन संस्थेच्या ३० जुलै, २०२१ पासून सुरु होत असलेल्या पदवी व पदव्युत्तर अभ्यासक्रमाच्या (Degree syllabus) सत्र - १ व सत्र - २ च्या १६ परीक्षा पुढे ढकलण्यात आलेल्या आहेत. पुढे ढकलण्यात आलेल्या या परीक्षा १८ ऑगस्ट, २०२१ पासून घेण्यात येणार असून त्याचे स्वतंत्र असे वेळापत्रक (Timetable) जाहीर केले जाणार असल्याची माहिती विद्यापीठाकडून देण्यात आली. ( Mumbai University Exam postponed due to heavy rainfall -nss91)

आयडॉलच्या शैक्षणिक वर्ष २०२०-२१ च्या सत्र - २ च्या प्रथम वर्ष बी.ए., प्रथम वर्ष बी.कॉम, प्रथम वर्ष बी.एससी. आयटी व पदव्यूत्तर एमएससी गणित व आयटी आणि प्रथम वर्ष एमसीए तसेच बीएससी आयटी (सत्र - ४ व ६), एमसीए (सत्र - ४ व ६), पिजीडीएफम व पीजीडीओरएम (सत्र - २), या परीक्षेबरोबरच शैक्षणिक वर्ष जानेवारी ते डिसेंबर - २०२१ मधील सत्र - १ च्या प्रथम वर्ष बी.ए., प्रथम वर्ष बी.कॉम व प्रथम वर्ष एमए आणि एम कॉमच्या अशा १६ परीक्षा ३० जुलै, २०२१ पासून ऑनलाईन माध्यमातून सुरु होणार होत्या. परंतु मुंबई व कोकण क्षेत्रात होत असलेल्या अतिवृष्टीमुळे या परीक्षा पुढे ढकलण्यात आल्या आहेत. या परीक्षा १८ ऑगस्ट, २०२१ पासून घेण्यात येणार असल्याची माहिती विद्यापीठाकडून देण्यात आली.