मागील काही दिवसांपासून रखडलेल्या मुंबई विद्यापीठाच्या पदवीधर (सिनेट) निवडणुकांचे संभाव्य वेळापत्रक जाहीर करण्यात आले आहे. विद्यापिठाने यासंबंधीची अधिसूचना जाहीर केली आहे. २१ एप्रिल २०२४ रोजी मतदान होणार असून आणि २४ एप्रिल २०२३ रोजी मतमोजणी होणार आहे. तसेच यासाठी नव्याने मतदार नोंदणी आजपासून सुरू होणार आहे.
या निवडणूकांसाठी नव्याने मतदार नोंदणी सुरू होत आहे. यादरम्यान याआधी मतदार नोंदणी शुल्क भरलेल्यांना पुन्हा मतदार नोंदणी शुल्क भरण्याची गरज नाहीये. याआधी जर मतदारांनी नाव यादीत समाविष्ट करण्यासाठी या लॉगिन आयडीद्वारे अर्ज केले असतील त्याच लॉगिन आयडीद्वारे नव्याने नोंदणी करता येणार आहे, असे विद्यापीठाकडून स्पष्ट करण्यात आलं आहे.
गेल्या वर्षीपासून मुंबई विद्यापीठ सिनेटची निवडणूक रखडली आहे. यावरून राजकीय आरोप प्रत्यारोप देखील झाले. मुंबई विद्यापीठ सिनेट निवडणुकीचा सुधारित कार्यक्रम २५ ऑक्टोबर रोजी सादर करण्याचे निर्देश मुंबई उच्च न्यायालयाने मुंबई विद्यापीठाला दिले होते. सुनावणीदरम्यान न्यायमूर्ती नितीन एम. जामदार आणि न्यायमूर्ती मंजुषा देशपांडे यांच्या खंडपीठाने सुधारित कार्यक्रम तयार करण्यासाठी आणखी मुदत दिली जाणार नसल्याचे स्पष्ट केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
