Mumbai Local News: चर्चगेट - विरार वातानुकिलित लोकलमध्ये गुरुवारी विना तिकीट प्रवास करणाऱ्या तरुणाची आणि पासधारक प्रवाशांमध्ये जोरादार भांडण झाले आहे. या भांडण्याचे स्वरूप हाणामारी होण्यापूर्वी ऑन-ड्युटी तिकीट तपासणीसांनी हस्तक्षेप करून हाणामारी रोखली. या दोन्ही तरुणाच्या गुंडगिरी उपद्रवामुळे त्यांना नालासोपारा आरपीएफच्या ताब्यात देण्यात आले. या घटनेचा व्हिडीओ सोशल मीडियावर व्हायरल होत आहे.
पश्चिम रेल्वेच्या एका वरिष्ठ अधिकाऱ्याने दिलेल्या माहितीनुसार,चर्चगेट - विरार वातानुकिलित लोकलमध्ये तिकीट नसलेल्या दोन तरुण प्रवास करत होते. यादरम्यान काही प्रवाशांनी त्यांना एसी लोकल असल्याची माहिती दिली.मात्र, तेव्हा या दोन्ही तरुणी त्यांच्याशी हुज्जत घातली. त्यानंतर पासधारक प्रवासी आणि फुकट्या दोन तरुणांची चांगली बाचाबाची सुरु झाली. त्यानंतर प्रवाशांना भांडण्याचा आवाज ऐकताच ऑन ड्युटी तिकीट तपासणीसाचे पथक कोचपर्यंत पोहोचले. हस्तक्षेप करून हाणामारी रोखली. मात्र, त्यानंतर या दोन्ही तरुणा टीसीनी तिकीट विचारल्यानंतर तिकीट नसल्याचे सांगितले. तसेच टीसीबरोबरही गैरवर्तन केली. दोन्ही तिकीट नसलेल्या प्रवाशांना पुढील कारवाईसाठी नालासोपारा आरपीएफच्या ताब्यात देण्यात आले हा सर्व प्रकार बघून काही प्रवाशांनी या घटनेचा व्हिडीओ मोबाईलमध्ये कैद केला.
५० टक्यांनी फुकटे प्रवासी वाढले -
पश्चिम रेल्वेने फुकट्या प्रवाशांवर कारवाई करण्यासाठी कंबर कसली आहे. गेल्या काही दिवसांपासून एसी लोकलमध्ये फुकट्या प्रवाशांची संख्या वाढत जात आहे. त्यामुळे अनेकदा फुकटे प्रवासी आणि पासधारक प्रवाशांमध्ये भांडणे होत आहे. एप्रिल ते डिसेंबर २०२३ या कालावधीत ४६ हजार हून अधिक अनधिकृत प्रवाशांना दंड आकारण्यात आला आहे आणि १५४.६७ लाख रुपयांचा दंड वसूल करण्यात आला आहे, जे गेल्या वर्षीच्या याच कालावधीपेक्षा सुमारे ५० टक्के जास्त आहे,
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
