मुंबईकरांच्या प्रवासाचे सर्वात महत्त्वाचे साधन असलेल्या लोकल सेवेमध्ये बिघाड झाल्यामुळे, पश्चिम रेल्वेची वाहतूक विस्कळीत झाली असून, त्यामुळे प्रवाशांना त्रास सहन करावा लागत आहे.
पालघरमधील केळवे रोड स्टेशनपाशी मालगाडीच्या इंजिनमध्ये बिघाड झाल्याने पश्चिम रेल्वेची वाहतूक विस्कळीत झाली आहे. त्यामुळे मुंबईकडच्या दिशेने जाणाऱ्या गाड्या वीस ते पंचवीस मिनिटे उशिराने धावत आहेत. यासह पालघर रेल्वे स्थानकावर वंदे भारत एक्सप्रेसही अडकली आहे. त्याचबरोबर मुंबईच्या दिशेने येणाऱ्या अनेक लांब पल्ल्याच्या गाड्याही अडकल्या आहेत.