Maharashtra Assembly Election 2024: उपमुख्यमंत्री देवेंद्र फडणवीस यांनी मुंब्य्रात जागा उपलब्ध करून द्यावी, निधी उपलब्ध द्यावा छत्रपती शिवाजी महाराजांचा पुतळा उभारतो, असे आव्हान आमदार जितेंद्र आव्हाड यांनी उपमुख्यमंत्री देवेंद्र फडणवीस यांना दिले. तसेच त्या पुतळ्याच्या उद्घाटनाला उद्धव ठाकरे यांना आमंत्रित करतो असे देखील आव्हाड यांनी स्पष्ट केले. ठाण्यात घेतलेल्या पत्रकार परिषदेत त्यांनी फडणवीस यांच्यावर टीका केली.
उपमुख्यमंत्री देवेंद्र फडणवीस यांनी उद्धव ठाकरे यांना उद्देशून म्हटले होते की, मुंब्य्रात शिवाजी महाराज यांचा पुतळा उभारून दाखवा. त्याला आता आव्हाड यांनी प्रतिउत्तर दिले आहे. मुंब्य्राच्या वेशीवर असलेल्या शिल्पात छत्रपती शिवाजी महाराज आहेत. देवेंद्र फडणवीस कधी मुंब्य्रात आले नाहीत, त्यामुळे त्यांना मुंब्य्राची रचना माहीत नाही.
