Modi Palghar Visit: वाढवण बंदराला केला विरोध, काँग्रेस जिल्हाध्यक्षांना झाली अटक

Latest Political News : काँग्रेस पालघर जिल्हाध्यक्ष प्रफुल्ल पाटील हे पालघर येथे वाढवण बंदराचा विरोध करण्यासाठी जात असताना वाडा पोलीसांनी त्यांना व त्यांच्या कार्यकर्त्यांना ताब्यात घेतले आहे.

आज पालघर येथे वाढवण बंदराचा भूमिपूजन सोहळा पंतप्रधान नरेंद्र मोदी यांच्या शुभहस्ते होत असून या बंदराला येथील मच्छीमार लोकांनी केला आहे.तसेच काँग्रेसनेही या बंदराला विरोध केला आहे. काँग्रेसचे पालघर जिल्हाध्यक्ष हे आज सकाळच्या सुमारास पालघरकडे जात असताना पाली येथे वाडा पोलिसांनी त्यांची गाडी अडवून त्यांना ताब्यात घेतले आहे.

मालवण राजकोट येथील किल्ल्यावर छत्रपती शिवाजी महाराज यांचा पुतळा कोसळला असून याचा व वाढवण बंदराला विरोध करण्यासाठी प्रफुल पाटील पालघर कडे जात असताना वाडा पोलिसांनी त्यांना व कार्यकर्त्यांना ताब्यात घेतले आहे.यावेळी पाटील यांनी मोदी सरकार विरोधात जोरदार घोषणाबाजी केली.