Mumbai News: ‘बटेंगे तो कटेंगे’, ‘हिंदू एक हो जाव’, ‘मोदी है तो सेफ है’ अशा घोषणांनी महायुतीच्या कार्यकर्त्यांनी गुरुवारी शिवाजी पार्कचे मैदान दणाणून सोडले. निमित्त होते पंतप्रधान नरेंद्र मोदी यांच्या प्रचारसभेचे.
या सभेसाठी उत्तर भारतीय, गुजराती नागरिकांची मोठी गर्दी झाली होती. शिवसेना, राष्ट्रवादी आणि रिपब्लिकन पक्ष या महायुतीतील घटक पक्षांच्या झेंड्यांनी संपूर्ण परिसर रंगीबेरंगी झाला होता. या वेळी कार्यकर्ते महायुती सरकारने केलेल्या कामांची नागरिकांना माहिती देताना दिसत होते.
