मुंबई महानगरपालिकेच्या निवडणुकीत भटके विमुक्तांची मते निर्णायक - नरेंद्र पवार

कल्याण : मुंबई महापालिका (bmc) क्षेत्रात भटके विमुक्तांची संख्या लाखोंच्या घरात असून आगामी पालिका निवडणुकीत (election) ही मते निर्णायक ठरणार असल्याचे प्रतिपादन माजी आमदार व भाजप भटके विमुक्त आघाडीचे प्रदेश संयोजक नरेंद्र पवार (narendra pawar) यांनी केले. दादर (dadar) येथील वसंत स्मृती कार्यालयात आयोजित कार्यक्रमात पवार बोलत होते.

या वेळी भाजप प्रदेश सहसंयोजक रवी कुंचिकोरवे, मुंबई प्रदेश अध्यक्ष आनंद कुऱ्हाडे, बाळासाहेब मोठे, अनंत कोटेकर, गणेश नागरे, मनीष पंगती, विजय चिले, राकेश कुंचीकोरवे, कल्पना चव्हाण उपस्थित होते. माजी राज्यमंत्री संदेश कोंडविलकर यांच्या कन्या ॲड. हर्षल कोंडविलकर यांनी या वेळी भाजपमध्ये प्रवेश केला. मुंबईतील प्रत्येक प्रभागात भटके विमुक्त समाज बांधवांनी बूथ स्तरापर्यंत काम करून मुंबई महापालिकेवर भाजपचा झेंडा फडकावण्यासाठी तयार राहण्याचे आवाहन पवार यांनी या वेळी केले.