Belapur Cirme: बेलापूर भागात राहणाऱ्या एका ३० वर्षीय व्यक्तीने आपल्या १३ वर्षीय सावत्र मुलीचे लैंगिक शोषण केल्याची घटना उघडकीस आली आहे. एनआरआय पोलिसांनी या सावत्र पित्याच्या विरोधात लैंगिक शोषण केल्याप्रकरणी पोक्सो कलमाखाली गुन्हा दाखल करून त्याला अटक केली आहे.
या घटनेतील आरोपी हा तक्रारदार महिलेचा दुसरा पती असून तो तक्रारदार महिला व तिच्या १३ वर्षीय पीडित मुलीसह बेलापूर भागात राहण्यास आहे. तक्रारदार महिला कामावर गेल्यानंतर अथवा रविवारी किंवा सुटीच्या दिवशी आरोपी आपल्या १३ वर्षीय सावत्र मुलीसोबत अश्‍लील व लैंगिक चाळे करून तिचे लैंगिक शोषण करत होता.
या प्रकारानंतर पीडित मुलगी रडल्यास आरोपी तिला मारहाण करण्याची धमकी देत होता. मागील पाच ते सहा महिन्यांपासून सावत्र पित्याकडून पीडित मुलीचे लैंगिक शोषण सुरू होते. अखेर मुलीने आपल्या आईला याबाबतची माहिती दिल्यानंतर तिने एनआरआय पोलिस ठाण्यात तक्रार दाखल केली. त्यानुसार पोलिसांनी गुन्हा दाखल करून त्याला अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
