Andheri Crime: ऐरोलीत राहणाऱ्या एका २९ वर्षीय तरुणीवर अंधेरीतील एका वकिलाने त्याच्या कारमध्ये लैंगिक अत्याचार करून त्याचे स्पाय कॅमेऱ्याने चित्रीकरण केल्याचे उघडकीस आले आहे.
या घटनेनंतर आरोपीने हा व्हिडिओ व्हायरल करण्याची धमकी देत पीडितेला नवी मुंबईतील एका बड्या राजकीय नेत्याविरोधात बलात्काराची खोटी तक्रार देण्यास भाग पाडून या नेत्याकडून पीडितेच्या नावाने तब्बल दोन कोटी ७० लाख रुपये उकळल्याचे उघडकीस आले आहे. अली काशीफ खान देशमुख असे या वकिलाचे नाव असून रबाळे पोलिसांनी त्याला अटक केली आहे.
पीडित २९ वर्षीय तक्रारदार तरुणी आईसह ऐरोलीत राहण्यास असून वर्षभरापूर्वी तिने आपल्या आईच्या घटस्फोट प्रकरणात अंधेरी येथील वकील अली काशीफ खान देशमुख याची भेट घेतली होती. या तरुणीचे नवी मुंबईतील एका बड्या राजकीय नेत्यासोबत चांगली ओळख असल्याचे या वकिलाला समजले.
त्यानंतर गेल्या जानेवारीमध्ये एका रात्री उशिरा हा वकील ऐरोलीत पीडित तरुणी राहत असलेल्या भागात आला होता. त्यावेळी त्याने पीडित तरुणीला महत्त्वाचे बोलायचे आहे, असे सांगून तिला भेटण्यासाठी बोलावून घेऊन तिला आपल्या कारमधून ऐरोली सेक्टर-१० मधील निर्जन ठिकाणी नेले.
यावेळी आरोपीने पीडित तरुणीला कोल्ड्रींगमधून गुंगीचे द्रव्य पाजून तिच्यावर कारमध्येच लैंगिक अत्याचार केला. या घटनेचे त्याने कारमधील कॅमेऱ्याद्वारे चित्रीकरण केले. त्यानंतर आरोपीने पहाटे दोन वाजता पीडित तरुणीला घरी आणून सोडले. यावेळी आरोपी वकिलाने या प्रकाराची कुणाला माहिती दिल्यास तिला व तिच्या आईला जिवे ठार मारण्याची धमकी दिली.
दरम्यान, फेब्रुवारीमध्ये या अत्याचाराचा व्हिडिओ व्हायरल करण्याची धमकी देच आरोपी वकिलाने पीडित तरुणीला एका राजकीय नेता व त्याचा मुलाविरोधात अंबोली पोलिस ठाण्यात बलात्काराची खोटी तक्रार देण्यास पाठवून दिले होते. त्यानंतर या वकिलाने या नेत्याकडून पीडित तरुणीच्या नावाने तब्बल दोन कोटी ७० लाख रुपये उकळले.
आरोपीने राजकीय नेत्याकडून उकळलेली अर्धी रक्कम देण्याच्या बहाण्याने पीडित तरुणीला मार्चमध्ये आपल्या सांताक्रूझ येथील घरी बोलावून घेतले. त्याहीवेळी या वकिलाने पीडितेवर जबरदस्तीने लैंगिक अत्याचार केले. अखेर पीडित तरुणीने रबाळे पोलिस ठाणे गाठत आरोपी वकील अली काशीफ खान देशमुखविरोधात तक्रार दाखल केली. पोलिसांनी या तक्रारीच्या आधारे आरोपीविरोधात बलात्काराचा गुन्हा दाखल करून त्याला अटक केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
