नवी मुंबई : ऐरोलीतील चिंचपाडा भागात पेईंगगेस्ट म्हणून राहणाऱ्या एका महिलेने मालकाच्या घरातील तब्बल 7 लाख 84 हजार रुपये किंमतीचे सोन्याचे दागिने चोरल्याची घटना उघडकीस आली आहे. सिद्धी वैद्य असे महिलेचे नाव असून रबाळे एमआयडीसी पोलिसांनी तिच्यावर गुन्हा दाखल केला आहे.
तक्रारदार 47 वर्षीय सुनिता कांबळे या ऐरोलीतील चिंचपाडा भागात कुटुंबासह राहतात. सुनिता यांची मोठी बहिण संगिता सर्वगौडा या कांजुरमार्ग येथे राहतात. त्यांच्या पतीचे नोव्हेंबर महिन्यात आजारपणामुळे निधन झाल्याने सुनिता आणि त्यांचा सांगली येथे राहणारा लहान भाऊ अनिल भाले कांजूरमार्ग येथील बहिणीच्या घरी जात-येत होते. संगिता यांनी आपले दागिने सुनिता यांच्याकडे ऐरोली येथील घरी ठेवण्यासाठी दिले होते. दरम्यान अनिलच्या परिचयातील सिद्धी वैद्य ही महिला सुनिता यांच्याकडे पेंईगगेस्ट म्हणून राहण्यास आली.
नक्की झालं काय ?
सुनिता यांचे वडील आजारी असल्याने त्या संगिता आणि अनिल भाले हे सर्व कुटुंबासह सांगली येथे गेले होते. त्यावेळी सिध्दीकडे ऐरोलीतील घराची चावी सुनिता यांनी दिली होती. वडिलांचे निधन झाल्यानंतर धार्मिक विधी पूर्ण करुन सुनिता 2 मार्च रोजी घरी आल्या असता, तब्बल 7 लाख 84 हजार रुपये किंमतीच्या दागिन्यांची चोरी झाल्याचे तसेच सिद्धी वैद्य देखील फरार असल्याचे आढळले. याप्रकरणी सुनिता कांबळे यांनी रबाळे पोलिसांत तक्रार दाखल केल्यावर तिच्याविरोधात गुन्हा दाखल करण्यात आला.
navi mumbai crime news guest looted house owner in airoli case registered
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.