Navi Mumbai - कर्जत तालुक्यात सुमारे २६ किलोमीटर लांबीची मिथेन गॅसवाहिनी टाकण्यात आली आहे. ज्‍या शेतकऱ्यांच्या जमिनीतून ही गॅसवाहिनी गेली आहे, त्‍यांना अद्याप नुकसान भरपाई मिळालेली नाही. तर काही ठिकाणी जागा एकाच्या नावावर असताना पैसे दुसऱ्यालाच मिळाले आहेत.
पनवेलचे आमदार प्रशांत ठाकूर यांनी याप्रकरणी लक्ष घालून दोषींवर कारवाई करण्यासंदर्भात नुकतीच रायगडचे पालकमंत्री उदय सामंत यांची भेट घेतली. यावेळी सकारात्‍मक प्रतिसाद देत सामंत यांनी शेतकऱ्यांना भरपाई मिळण्यासाठी प्रयत्‍न करणार असल्‍याचे सांगून दोषींवर कारवाई करणार असल्‍याचे स्‍पष्‍ट केले.
शेतकऱ्यांना न्यायासाठी आमदार प्रशांत ठाकूर यांच्या नेतृत्वाखाली २६ जानेवारी २०२१ रोजी आवसरे येथे रस्ता रोको आंदोलनही करण्यात आले होते.
गुन्हे दाखल करण्याचे आदेश
गॅसवाहिनी बाधित शेतकऱ्यांनी अडचणी मांडल्या असता, संबंधित अधिकाऱ्यांना उदय सामंत यांनी धारेवर धरले.
संबंधितांवर गुन्हे दाखल करण्यात यावेत, गॅसवाहिनी टाकताना कंपनीकडून नियमांचे उल्‍लंघन झाल्‍यास चौकशी करून जिल्हाधिकाऱ्यांनी आठ दिवसांमध्ये अहवाल सादर करावा, असे आदेश उदय सामंत यांनी दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
