Crime: खांदा कॉलनी सेक्टर-१ भागात टेरेसवरील पाण्याची टाकी साफ करताना इमारतीवरील डक्टच्या छतावरील सिमेंटचा पत्रा फुटल्याने चौथ्या मजल्यावरून खाली पडलेल्या एका कामगाराचा मृत्यू झाल्याची घटना शुक्रवारी दुपारी घडली.
या घटनेतील मृत कामगाराला कंत्राटदाराने सुरक्षिततेच्या दृष्टीने आवश्यक असलेली साधने न पुरविल्यामुळे ही घटना घडल्याचे आढळून आले आहे. त्यामुळे खांदेश्वर पोलिसांनी या घटनेला जबाबदार कंत्राटदारावर निष्काळजीपणाचा गुन्हा दाखल केला आहे. या घटनेतील मृत मारुती जोमा घुटे (वय २८) हा पनवेल तालुक्यातील धोदाणी येथे कुटुंबासह राहत होता. तो कंत्राटदार नागेश गुप्ताकडे पिण्याच्या पाण्याच्या टाकीचे साफसफाईचे काम करत होता.
आरोपी गुप्ताने मारुतीला खांदा कॉलनी सेक्टर-१ मधील साई सिमरन सोसायटीतील टेरेसवरील पाण्याची टाकी साफ करण्याच्या कामाला लावले होते. मारुतीने सदर इमारतीवरील पाण्याची एक टाकी साफ केली होती. त्यानंतर तो दुसरी टाकी साफ करण्यासाठी इमारतीवरील डक्टच्या छतावरील सिमेंटच्या पत्र्यावरुन जात होता. मात्र याचवेळी सदरचा पत्रा फुटल्याने मारुती चौथ्या मजल्यावरून खाली पडून गंभीर जखमी झाला होता. त्यामुळे त्याला जवळच्या अष्टविनायक हॉस्पिटलमध्ये दाखल करण्यात आले होते. मात्र उपचारादरम्यान त्याचा मृत्यू झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.