पुणे ते मुंबई प्रवास करणाऱ्यांसाठी एक आनंदाची बातमी समोर आली आहे. या महामार्गावरून प्रवास आता आणखी वेगवान होणार आहे. कारण एमएसआरडीसी (msrdc)ने या द्रुतगती महामार्गावरील दोन्ही बाजूंच्या प्रत्येकी एक लेन वाढवण्याचा निर्णय घेतला आहे. असा प्रस्ताव तयार करून केंद्र सरकारकडे पाठवण्यात आला आहे. तो मंजूर होताच या लेनचं बांधकाम सुरू होणार आहे.
मुंबई-पुणे एक्स्प्रेसवे नियमीत प्रवास करणाऱ्या प्रवाशांची संख्या मोठी आहे. या प्रवासादरम्यान नागरिकांना मोठ्या वाहतुक कोंडीचा सामना करावा लागतो. यावर उपाय म्हणून आता या महामार्गावरील दोन्ही बाजूंना प्रत्येकी एक लेन वाढविण्याचा निर्णय घेतला आहे. ‘एमएसआरडीसी’च्या वरिष्ठ अधिकाऱ्याने दिलेल्या माहितीनुसार या प्रकल्पासाठी तब्बल ५ हजार कोटींचा खर्च होणार आहे. साम टीव्हीने याबद्दलचे वृत्त दिले आहे.
मुंबई - पुणे शहरांना जोडणारा हा ९४ किलोमीटरचा द्रुतगती महामार्ग २००२ मध्ये तयार करण्यात आला होता. मात्र यानंतर दिवसेंदिवस या महामार्गावरील वाहनांमध्ये मोठ्या प्रमाणात वाढ झाली. त्यानंतर या मर्गावर अपघात आणि वाहतुक कोंडी वाढल्याचं पाहायला मिळत आहे. त्यानंतर यावर उपाय योजना राबवण्याची मागणी केली जात आहे. आता ही लेन वाढवताना अतिरिक्त जागेसाठी जमीनीचे संपादन देखील करावे लागणार आहे. तसेच या महामार्गावर नवे १० बोगदे देखील होणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
