Ambani Family : रिलायन्स इंडस्ट्रीजच्या बोर्डावरून नीता अंबानी पायउतार, मात्र सांभाळणार ही जबाबदारी

Ambani Family : रिलायन्स इंडस्ट्रीज लिमिटेड च्या संचालक मंडळाने आजच्या बैठकीत ईशा अंबानी, आकाश अंबानी आणि अनंत अंबानी यांना कंपनीचे बिगर कार्यकारी संचालक म्हणून नियुक्त करण्याचा प्रस्ताव भागधारकांच्या मंजुरीसाठी पाठवला आहे.

त्याचवेळी नीता अंबानी यांनीही संचालक मंडळातून पदत्याग करण्याची घोषणा केली आहे.

या तिघांच्या संचालक मंडळावरील नियुक्तीमुळे रिलायन्स इंडस्ट्रीजला त्यांच्या नव्या कल्पनांच्या आणि ज्ञानाचा फायदा मिळेल असे संचालक मंडळाने म्हटले आहे.नीता अंबानी यांनी रिलायन्स फाउंडेशन च्या कामाकडे पूर्णवेळ लक्ष देण्यासाठी रिलायन्स इंडस्ट्रीजच्या संचालक पदाचा दिलेला राजीनामा संचालक मंडळाने मंजूर केला आहे.

रिलायन्स फाउंडेशनच्या अध्यक्ष म्हणून नीता अंबानी या रिलायन्स इंडस्ट्रीजच्या संचालक मंडळाच्या सर्व बैठकांना कायमस्वरूपी आमंत्रित म्हणून हजर राहू शकतील.तर ईशा अंबानी, आकाश अंबानी आणि अनंत अंबानी हे गेले काही वर्षे रिलायन्स इंडस्ट्रीजच्या कामात वेगवेगळ्या प्रकारे सहभागी होतेच