मुंबईः ई कॉमर्स कंपनी अॅमेझॉनवर मराठी भाषेचा पर्याय उपलब्ध व्हावा, यासाठी गेल्या अनेक दिवसांपासून महाराष्ट्र नवनिर्माण सेनेनं मोहिम राबवली आहे. मात्र आता या मोहिमेला आक्रमक स्वरुप आल्याचं दिसतंय. मनसेनं मुंबईत अॅमेझॉनविरोधात फलक लावलेत. या पोस्टर्सवर नो मराठी, नो अॅमेझॉन असा मजकूर लिहिला आहे.
वांद्रे पूर्व, तसंच पश्चिम, माहीम, अंधेरी आणि रेक्लमेशनच्या परिसरातल्या रस्त्यांवर मनसेनं हे पोस्टर्स लावलेत. मनसे नेते अखिल चित्रे यांनी हे पोस्टर लावलेत. याआधीही मनसेनं अॅमेझॉनच्या मुंबईतल्या कार्यालयाबाहेर पोस्टर झळकावले होते. या पोस्टरमधून मनसेनं अॅमेझॉनला तुम्हाला महाराष्ट्रात आमची भाषा मान्य नाही. मग आम्हाला महाराष्ट्रात तुम्ही मान्य नाही, अशी कानउघडणी करत इशाराही दिला होता.
अॅमेझॉन आणि फ्लिपकार्ट या ऑनलाईन शॉपिंग अॅपमध्ये मराठी भाषेचा समावेश करावा, या मागणीसाठी मनसेनं या कंपन्यांच्या ऑफिसवर धाड टाकली होती. मुंबईच्या बीकेसी परिसरात या दोन्ही कंपन्यांची ऑफिस आहेत.
No marathi no amazon maharashtra navnirman sena posters
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.