मुंबईतुन एक धक्कादायक घटना समोर आली आहे. बोरिवली भागातील राजेंद्र नगरमध्ये एका उच्चभ्रू इमारतीमध्ये 78 वर्षीय ज्येष्ठ महिलेचा मृतदेह कुजलेल्या स्थितीत आढळुन आला आहे. या घटनेने परिसरात मोठी खळबळ उडाली आहे. मिळालेल्या माहितीनुसार ज्येष्ठ महिला त्या घरामध्ये आजारी पतीसोबत राहत होत्या. या प्रकरणी कस्तुरबा पोलीस ठाण्यात आकस्मिक मृत्यूची नोंद करण्यात आली असून पोलिस पुढील तपास करत आहेत.
सुलोचना भास्कर शेट्टी असे मयत महिलेचं नाव आहे. बोरिवलीतील राजेंद्र नगरच्या एकता भूमी या इमारतीच्या के विंगमध्ये पाचव्या मजल्यावर राहत होत्या. सुलोचना यांच्या फ्लॅटमधून दुर्गंधी येत असल्याची तक्रार परिसरातील रहिवाशांनी केली आहे.
दरम्यान घटनेची माहिती मिळताच बोरिवली पोलिसांचे पथक घटनास्थळी पोहोचले. फ्लॅटचा दरवाजा उघडला त्यावेळी सुलोचना यांचा मृतदेह कुजलेल्या स्थितीत आढळुन आला. तर त्यांची मुलगी त्यांना दोन दिवसांपासून संपर्क करण्याचा प्रयत्न करत होती. पंरतु त्यांचा काहीच संपर्क झालेला नव्हता.
पोलिसांनी त्यांच्या घराचा दरवाजा तोडून आत प्रवेश केला तेव्हा त्यांना सुलोचना मृत स्थितीत आणि त्यांचे पती आजारी स्थितीत आढळून आले. सुलोचना यांना मुलगी असून तिला कळवल्याचे पोलिसांनी सांगितले आहे. सुलोचना भास्कर यांचा मृत्यू दोन दिवसांपूर्वी झाल्याचा प्राथमिक अंदाज वर्तवण्यात आला आहे. मृत्यूचं नेमकं कारण शवविच्छेदनाच्या अहवालानंतर स्पष्ट होईल, असंही पोलिसांनी सांगितलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
